Тулыслэн но Ужлэн нуналыз

Кун Кенешлэн Тӧроез Владимир Невоструев Удмуртиын улӥсьёсты Тулыслэн но Ужлэн праздникеныз ӟечкылаз.
«Нырысетӥ май – быдэс калыклэн яратоно праздникез. Со герӟаськемын тулыс пушъёнэн, азинсконэн. Со огазея пӧртэм арлыдо адямиосты, ваньмызлы кузьма ӟеч мылкыд, выль вормонъёслы оскон.
Озьы ик та нуналэ асьмеос данъяськом ужась адямиез. Сотэк ӧвӧл будон, юнман. Шаермы данъяське помышленностьын ужасьёсын, гуртоосын, эмъясьёсын, дышетӥсьёсын… Котькудӥиз ас интыяз сюлэмзэ поныса, мылысь-кыдысь тырше. Озьы дэмен асьмеос быгатомы странамес эшшо но золгес карыны.
Нимысьтыз вазиськеме потэ ветеранъёслы. Тӥляд быгатонлыкъёсты, тодон-валанъёсты милемлы адӟем карымон луо. Тӥляд тыршеменыды кылдэмын туала Удмуртилэн кужымез, милемлы сое уноятоно, азинтоно.
Ваньдылы сӥзисько юн тазалык, шундыё мылкыд, семьяосады тупан».