Владимир Невоструев Россилэн героеныз Валерий Чухванцевен но «Возрождение» фондысь ӧнерчиосын пумиськиз
03.09.2015
3-тӥ куарусёнэ 2015-тӥ арын Кун Кенешлэн Тӧроез Владимир Невоструев пумиськиз Россилэн героеныз Валерий Чухванцевен, спортлэн но кужымо ёзэсъёслэн ветеранъёсызлы, но соослэн семьяоссылы юрттӥсь «Возрождение» фондлэн президентэныз Вячеслав Громовен но сооосын ӵош Ижкаре лыктэм мукет дано куноосын. Соос Удмуртие единоборствоосъя элькун фестивале вуэмын. Спортэз гажасьёс понна таӵе ужрад ортчоз Ижкарын 5 куарусёнэ.
Фестивалез радъя Санкт-Петербургысь «Возрождение» фонд. Солэн кивалтӥсез Вячеслав Громов но Россилэн героез Валерий Чухванцев, кинлэн кузьымъёсызлы ортчо вожвылъяськонъёс, Удмур шаерын вордӥськемын. Соос асьсэ сярысь веразы но элькун парламентлэн Тӧроезлы фондлэн ужез сярысь гожтэмъёсын бичет кузьмазы. Владимир Невоструев егитъёс пӧлын патриотизмез будэтон ласянь ужамзы понна куноослы тау каремзэ вераз.
Озьы ик «Возрождение» фондлэн ӧнерчиосыз пумиськизы Президиумлэн ёзчиосыныз но Кун Кенешлэн аппаратаз ужасьёсын. Вячеслав Громов тау каремзэ вераз элькун кивалтӥсьёслы ӵошатсконъёсты радъяны юрттэмзы понна.