Кун Кенешлэн юртаз 26 егитъёс нырысетӥ паспорт басьтӥзы
08.09.2015
8-тӥ куарусёнэ 2015-тӥ арын Кун Кенешын 26 егитъёс нырысетӥ паспорт басьтӥзы. Та ужрад элькунмылэн нуналыз азьын «Единая Россия» фракция кичӧлтэмен ортчиз.
Ижкарысь пӧртэм школаосысь дышетскисьёсты ӟечкылазы но киязы нырысетӥ паспортсэс сётӥзы Кун Кенешлэн Тӧроез Владимир Невоструев, наукая, дышетонъя, лулчеберетъя но егитъёсын ужан политикая ялан ужась ӧрилэн кивалтӥсез Наталья Сударикова, дышетонъя но наукая министр Алексей Мирошниченко, адямилэн правоосызъя оскем муртэз Вениамин Соломенников, дышетонъя организациослэн кивалтӥсьёссы.
Элькун парламентлэн Тӧроез егитъёслы туала поколенилы оскымон кивоштӥсь луыны сӥзиз. «Малпасько, котьку но быгатоды элькунмес но кунмес оскымон утьыны», - шуиз Владимир Невоструев.