Ижкарен кивалтоз Юрий Тюрин
08.10.2015
8-тӥ коньывуонэ 2015-тӥ арын ортчиз Ижкар Думалэн 6-тӥ ӧтчамезлэн нырысетӥ сессиез.
Депутатъёсты нырысетӥ люкаськеменызы ӟечкылазы Удмуртилэн Тӧроез Александр Соловьёв, Кун Кенешлэн Тӧроез Владимир Невоструев, Правительстволэн Тӧроез Виктор Савельев.
«Единая Россия» партилэн дэмлам кандидатъёсызлы вань депутатъёс дурбасьтӥзы. Озьы Олег Гарин луиз Думалэн тӧроез, Юрий Тюрин — городлэн йырыз.
Ижлэн выль быръем йырыз Юрий Тюрин шуиз:
— Сэрттон-пертчон ужпумъёс ӧжыт ӧвӧл, соос борды ӝегатскытэк басьтӥськоно. Матысь дыре шоркарлэсь вуоно арлы бюджетсэ кутоно. Трос валамтэос кылдэмын ЖКХ удысын, капремонтэн — адямиос валаны кулэ, мар понна соос дун тыро. Азинтоно сюресъёсты лэсьтонэз но.