Сенаторъёс Удмуртилэн улэм-вылэменыз тодматскизы
21.10.2015
Кун Думаын гинэ уз радъяське Удмуртилы сӥзем нуналъёс. Туннэ, кылсярысь, федерал парламентлэн вылӥ палатаяз ортчиз “Час субъекта” ужрад. Таяз радэ со сӥземын Удмуртилы.
Элькунмылэн Тӧроез Александр Соловьёв, Кун Кенешлэн Тӧроез Владимир Невоструев сенаторъёслы ивортӥзы Удмуртилэн улэм-вылэмез сярысь. Соос шуизы: куд-ог проектъёсты быдэстыны Удмуртилы федерал юрттэттэк секыт луоз.
Кӧня ке нунал куспын асьмелэнъёс федерал кивалтӥсьёсын кенешозы тазалыкез утён ,калыклы улон-вылонын юрттэт сётон, АПК, культура удысъёсысь ужпумъёс сярысь. Котрес ӝӧк сьӧрын сэрттозы-пертчозы кыӵе амалъёсын улосмылэсь бюджетсэ узырмытыны луоз. Озьыен, элькунмылэн федерал центрен кусыпъёсыз эшшо юнмалозы.
Федерал парламентлэн 2-аз ик палатаосаз ужрадъёс чакламын 19-тӥ октябрьысен 22-тӥ октябрёзь.