Владимир Невоструев Удмуртиын улӥсьёсты праздникъёсын ӟечкылаз

Если у Вас не отображаются буквы удмуртского шрифта, то это означает, что у Вас не установлены необходимые шрифты, которые можно скачать здесь.

Кун Кенешлэн Тӧроез Владимир Невоструев шаерамы улӥсьёсты Калыкъёслэн огазеяськон нуналэнызы но Удмурт Элькунлы 95 ар тырмонэн ӟечкылаз.
«Гажано эшъёс! Удмурт Элькунлы 95 тырмонэз асьмеос пусйиськомы Калык огазеяськон нуналэн. Та праздникъёс возьмато калыкмылэсь валтӥсь дунъетъёссэ – дордэ яратон, тупаса улон, ӟеч лэсьтыны тыршон, зэмлыкез чаклан.
Удмуртиын улӥсьёс данъясько шаермылэн узыр историеныз но культураеныз, солэн экономикаын, наукаын, лулчеберетын вормонъёсыныз. Эшъяськон но ог-огдэ валан, сюлмо луон, вордскем интыдэ яратон, пересьёсты гажан – ваньмыз со юрттэ асьме шаерысь калыкъёслы тупаса улыны. Со ик юн оскон кылдытэ, Удмуртия ялан азинскоз шуыса.
Элькунлэсь вордӥськем нуналзэ асьмеос пумитаськомы, асьме кужыммылы оскыса. Асьмеос тодӥськомы: котькудӥз лулысь-сюлмысь ужаз ке, улонмы сяськаялоз.
Гажано бӧлякъёсы! Ваньдылы сӥзисько шудбур, тупан, дэлет, ӵуказе нуналлы оскон!»