Владимир Невоструев терактын быремъёсты буре вайыса нимысьтыз мемориалэ сяськаос понӥз

Подмосковьеын терактын быремъёсты буре вайыса, Ижысь Шор площадьын нимысьтыз мемориал лэсьтэмын. Отчы туннэ быдэс нунал ӵоже ни сяськаос ваё. Площадьысь бадӟым светодиодной экран вылын сюсьтыл ӝуа, вӧзаз гожтэмын «Скорбим Крокус-Сити 22.03.2024». Нош экран вӧзысь ӝӧкъёс вылын - сяськаос, сюсьтылъёс, нылпи шудонъёс. Сяськаос вайыса, татчы лыкто Ижын улӥсьёс, калык огазеяськонъёсысь азьветлисьес, огшоры адямиос.
Быремъёсты буре вайыны вуылӥз Кун Кенешлэн Тӧроез Владимир Невоструев.
Удмуртиын туннэ спортъя, шулдыръяськонъя бадӟым ужрадъес ортчытыны алэмын. Нош ӵуказе, 24-тӥ южтолэзе, быдэс Россиын ялэмын кайгырон нунал.