Андрей Ураськин Россилэсь азьмуртсэ быръёнъёсы пыриськиз

Удмуртилэн Кун Кенешысьтыз лулчеберетъя, туризмъя но йӧскалык политикая ялан ужась ӧрилэн тӧроез, «Удмурт Кенеш» огазеяськонлэн тӧроез Андрей Ураськин Россилэсь азьмуртсэ быръёнъёсын куаразэ сётӥз. Ужрадэ со кузпалыныз - Йӧскалык дышетонъя институтлэн кивалтӥсеныз Надежда Ураськинаен ӵош пыриськиз.
«Мылкыдмы туж умой. Избирательной участокын шумпотыса пумитазы, сыӵе праздничной соослэн мылкыдзы. Куинь нунал ик сыӵе мед ортчоз – туж умой мылкыдын. Мед тросгес калык лыктоз дурбасьтыны асьмелэн туннэ нуналмылы, быдэс дуннелы возьматыны, кыӵе ми ӵош, кыӵе асьмеос поддерживать кариськомы ӵуказе нуналзэ асьме элькунмылэсь, быдэс кунмылэсь. Со туннэ туж кулэ», - шуиз Кун Кенешысь лулчеберетъя, туризмъя но йӧскалык политикая ялан ужась ӧрилэн тӧроез, «Удмурт Кенеш» огазеяськонлэн тӧроез Андрей Ураськин.
Тодады вайытом, кунлэсь азьмуртсэ быръёнъёс 17-тӥ южтолэзёзь мынозы. Элькунын 1 сюрслэсь трос быръён участокъёс ужало.
Туспуктэм: umurt.media (Наталия Сильвестрова)