Шаерамы кутскиз Россилы Президентэз быръён

15-17 южтолэзе Россиын ортчо кунмылы Президентэз быръёнъёс. Удмуртиын быръёнъёсъя участокъёс усьтӥськизы ни. Оглом соос 1124. Участокъёс ужалозы ӵукна 8.00 часысен ӝыт 20.00 часозь.
Шаерамы куара сётон бюллетеньёс кык кылын дасямын - ӟуч но удмурт.
Удмуртиысь быръёнъёсъя комиссия ивортэмъя, дорамы ужало 34 ТИК-ёс но 1124 УИК-ёс.
Куара сётонъя 531 интыосын пуктылэмын служебной портал вылэ потӥсь трансляциен видеонаблюдениос. 578 участокын вань видеорегистраторъёс. Ижысь 140 участокын уже кутӥсько КОИБ-ёс (комплекс обработки избирательных бюллетеней).
Быръёнъёслэсь мынэмзэс чаклало 4 сюрс наблюдательёс. Арлыдоослы юрттон вылысь 1500 пала волонтёръёс ужало.