Владимир Невоструев кышномуртъёсты праздникен ӟечкылаз

Удмурт Элькунысь Кун Кенешлэн Тӧроез Владимир Невоструев шаерамы улӥсь кышномуртъёсты праздникен ӟечкылаз:
«Дуно анайёс, апайёс!
Удмуртиысь нылкышноос сярысь трос ӟеч кылъёс вераны луоз. Тӥтэк кунлэсь но шаермылэсь улон-вылонзэс син азе пуктыны секыт. Угось тӥляд ужаменыды азинско пӧртэм удысъёс: наука, экономика, калыклы улон-вылонын юрттэт сётон. Туала нылкышноос нокыӵе шуг-секытъёслэсь уг кышкало, ужазы вормонъёс басьто. Озьы ке но котькудӥз понна валтӥсь интыын сылэ семья.
Тӥ семьялэсь шунытсэ, вашкалаослэсь сям-йылолъёссэс утиськоды, нылпиосты шаермес яратыны дышетӥськоды, милемыз, воргоронъёсты, подвигъёс лэсьтыны, вормонъёс басьтыны ӝуткаськоды.
Семьялы юрттэт сётон — кунмы понна бадӟымез сюлмаськон. Россиын но Удмуртиын та ар юнме семьялы сӥземын ӧвӧл — со семья кусыпъёсты юнматыны, нылкышноослы тау карыны, семьяез кужмогес карыны луонлыкъёс кылдытэ.
Тау тӥледлы валась, ужась, чидась, небыт сюлэмо луэмды понна. Юн тазалык, капчи тулыс мылкыд тӥледлы!»