Кун Кенешлэн сессияз туннэ юнматэмын кадет движенилы сӥзем элькун закон
27.02.2024Удмурт Элькунысь Кун Кенешлэн сессияз депутатъёс шаерамы кадет движениез азинтон сярысь элькун кат кутӥзы. Удмуртиын та вакытлы 10 сюрслэсь ятыр кадетъёс лыдъясько. 89 школаосын 542 кадет классъёс кылдытэмын. Уката трос соос Ижысь дышетон организациосын. Со сяна, 270 кадетъёс тодон-валан люкало кадетъёслэн Воткаысь Валентин Стариков нимо элькун корпусазы.
«Кадет движениен герӟаськем элькун законлэн кулэ луэмез сярысь нырысетӥ арзэ гинэ ум вераськиське ини, – шуиз Кун Кенешлэн Тӧроезлэн воштӥсез Татьяна Ишматова. – Сое дасян бордын дэмен тыршим: депутатъёс, Правительстволэн ёзчиосыз, кадет движение пыриськисьёс... Чаклам, мар лэсьтӥське та ласянь мукет улосъёсын. 8-аз нимысьтыз законъёссы вань ни. Асьмеос чылкак выльзэ номыр ум малпаське – ваньмыз со элькунамы лэсьтӥське ини. Но законэн юнматыса, та движенилэн кулэлыкез, данэз уката ӝутӥське. Законын ваньмыз пыр-поч пусъемын: кинъёс со кадетъёс, кинъёс соослэн радъёсазы сюрыны быгато, кыӵе ужпумъёс соос азе пуктӥсько»
Закон улонэ пыӵаны кутскем бере, кадет движение элькунамы уката юнманы быгатоз.
«Кадет движениен герӟаськем элькун законлэн кулэ луэмез сярысь нырысетӥ арзэ гинэ ум вераськиське ини, – шуиз Кун Кенешлэн Тӧроезлэн воштӥсез Татьяна Ишматова. – Сое дасян бордын дэмен тыршим: депутатъёс, Правительстволэн ёзчиосыз, кадет движение пыриськисьёс... Чаклам, мар лэсьтӥське та ласянь мукет улосъёсын. 8-аз нимысьтыз законъёссы вань ни. Асьмеос чылкак выльзэ номыр ум малпаське – ваньмыз со элькунамы лэсьтӥське ини. Но законэн юнматыса, та движенилэн кулэлыкез, данэз уката ӝутӥське. Законын ваньмыз пыр-поч пусъемын: кинъёс со кадетъёс, кинъёс соослэн радъёсазы сюрыны быгато, кыӵе ужпумъёс соос азе пуктӥсько»
Закон улонэ пыӵаны кутскем бере, кадет движение элькунамы уката юнманы быгатоз.