Туннэ Кун Кенешын 11-тӥ сессилэн 2-тӥ кенешонэз ортче
12.12.2023
Туннэ Кун Кенешын Владимир Невоструев кивалтэм улсын 11-тӥ сессилэн 2-тӥ кенешонэз ортче. Ӵапак та нуналэ 30 ар талэсь азьло Россилэн Конституциез кутэмын вал. Удмуртия Россиысь 89 улосъёсын ӵош юрттэ кунмес юнматыны. 29 ар талэсь азьло 7-тӥ декабре кутэмын вал Удмуртилэн Конституциез но.
«Соку та залын ӵашетонъёс но споръяськонъёс зол пуромылӥзы. 200 депутатъёс, соос пӧртэм партиосын вал, пӧртэм мылкыдын улӥзы, огъя малпанэ вуыны шугъяськизы. Озьы ке но Валентин Кузьмич Тубылов кивалтэм улсын Конституция кутэмын вал, — вераз Кун Кенешлэн Тӧроез Владимир Невоструев.
11-тӥ сессилэн 2-тӥ заседанияз дано куно чотын ӧтемын вал Удмуртилэн дано кунмуртэз, Вылӥ Кенешлэн 12-тӥ ӧтчамезлэн Тӧроез Валентин Тубылов, Удмуртилэн дано кунмуртэз, Кун Кенешлэн ялан ужась комиссиеныз кивалтэм мурт Александр Фоминов, Кун Кенешлэн депутатэз, Удмурт Правительствоен 14 ар ӵоже кивалтэм Тӧро Юрий Питкевич.
Конституцилэн нуналаз Кун Кенешлэн сессияз паспорт басьтӥзы спорт, дышетскон, культура удысын но пӧртэм конкурсъёсын вормись пиналъёс. Соос нырысетӥ документсылы вуизы Глазов, Воткинск, Можга, Ижевск городъёсысь, Сьӧлта, Сюмси, Шаркан, Алнаш но мукет ёросъёсысь.
«Соку та залын ӵашетонъёс но споръяськонъёс зол пуромылӥзы. 200 депутатъёс, соос пӧртэм партиосын вал, пӧртэм мылкыдын улӥзы, огъя малпанэ вуыны шугъяськизы. Озьы ке но Валентин Кузьмич Тубылов кивалтэм улсын Конституция кутэмын вал, — вераз Кун Кенешлэн Тӧроез Владимир Невоструев.
11-тӥ сессилэн 2-тӥ заседанияз дано куно чотын ӧтемын вал Удмуртилэн дано кунмуртэз, Вылӥ Кенешлэн 12-тӥ ӧтчамезлэн Тӧроез Валентин Тубылов, Удмуртилэн дано кунмуртэз, Кун Кенешлэн ялан ужась комиссиеныз кивалтэм мурт Александр Фоминов, Кун Кенешлэн депутатэз, Удмурт Правительствоен 14 ар ӵоже кивалтэм Тӧро Юрий Питкевич.
Конституцилэн нуналаз Кун Кенешлэн сессияз паспорт басьтӥзы спорт, дышетскон, культура удысын но пӧртэм конкурсъёсын вормись пиналъёс. Соос нырысетӥ документсылы вуизы Глазов, Воткинск, Можга, Ижевск городъёсысь, Сьӧлта, Сюмси, Шаркан, Алнаш но мукет ёросъёсысь.