Россилэн Президентэз Владимир Путин меӵак эфирын туэ арлы йылпумъянъёс лэсьтӥз
15.12.2023
Владимир Путин валэктонъёс сётӥз журналистъёслэсь но калыклэсь вуэм юанъёслы. Соос люкаськизы 2 миллионлэсь ятыр.
Меӵак эфирез Президент кутскиз экономикаын югдур бордысен. Запад кунмылы пумит санкциоссэ кутӥз ке но, Россиез соос ӧз лябӟытэ. Туэ, кылсярысь, вуз поттон 3 но ӝыны процентлы йылӥз. Калыклэн уждунэз 8 процентлы ӝутскиз. Зэм, инфляция та вакытэ будэ. Ар пумозь со 8 процент котыр луоз. Россиысь банк югдурез чакласа возе, инфляциез серметан амалъёс кутӥсько.
Президент вань сямен удысъёслы саклык висъяз. Тужгес но трос юанъёс герӟаськемын вал СВО-ен. Владимир Путин тау кариз калыклы ожгарчиослы юрттэмзы понна. Калык ас мылкыдызъя 10 миллиардлэсь ятыр уксё люказ, соин басьтэмын боецъёсмылы кулэ луись тӥрлык. Нылпиос соослы келязы ни 3 миллионлэсь ятыр гожтэтъёссэс.
Ожгарчиослэсь вазиськон вуиз: туж кулэ дронъёс, уз луы-а соосты поттонэз йылтыны!? Президент шуиз: асьмелэнъёс утё 2 сюрс иськемлэсь ятыр кыстӥськись кунгожез. Кудӥз ке но пыдлон, мукетыз - матынгес - таосаз кулэ луись тӥрлык но вуттыны капчигес. Кыдёкын ке, валамон, секытгес... Та ужпумез син шорам возисько, ожгарчиосмы номырлы ёрмыны кулэ ӧвӧл, дронъёсты поттонэз одно ик йылтом, шуиз со.
Меӵак эфир кыстӥськиз 3 час 40 минут. Валамон, вань юанъёслы валэктыны Президент ӧз вутты. Но одӥг юан но эскерытэк кельтэмын уз луы: котькудзэ ар куспын сэрттозы-пертчозы «Калык фронт» движение пырисьёс.
Нялтас вераса, Президентэн нырысетӥез меӵак эфир ортчиз 20 ар талэсь азьло.
Кызыьы пусйиз Кун кенешлэн Тӧроез Владимир Невоструев, меӵак эфирын трос юанъёс чузъяськизы: сиён-юонлы дунъёс бордысен кутскыса, спецоперациозь.
«Президент котькуд удысэз син шораз возе, котькудысьтыз югдурез, озьы ик лыдпусъёсты но ӟеч тодэ. Президент пусйиз: кунмылы азьлань мыныны луонлыкъёс паськытэсь, ӟеч пала воштӥськонъёсмы но уно. Россия понна валтӥсез — калыкмылэн огазе луэмез, экономикалэн ӝутскемез. Вуз, табыш поттон йылэ. Тае адӟиськомы Удмурт шаермыя но: экономикамы ӟеч азинске. Тазьы ик луоз азьланяз но. Ми депутатъёсын азьланяз но тыршомы калыкез сюлмаськытӥсь ужпумъёсты сэрттыны-пертчыны», - пусйиз Владимир Невоструев.
Меӵак эфирез Президент кутскиз экономикаын югдур бордысен. Запад кунмылы пумит санкциоссэ кутӥз ке но, Россиез соос ӧз лябӟытэ. Туэ, кылсярысь, вуз поттон 3 но ӝыны процентлы йылӥз. Калыклэн уждунэз 8 процентлы ӝутскиз. Зэм, инфляция та вакытэ будэ. Ар пумозь со 8 процент котыр луоз. Россиысь банк югдурез чакласа возе, инфляциез серметан амалъёс кутӥсько.
Президент вань сямен удысъёслы саклык висъяз. Тужгес но трос юанъёс герӟаськемын вал СВО-ен. Владимир Путин тау кариз калыклы ожгарчиослы юрттэмзы понна. Калык ас мылкыдызъя 10 миллиардлэсь ятыр уксё люказ, соин басьтэмын боецъёсмылы кулэ луись тӥрлык. Нылпиос соослы келязы ни 3 миллионлэсь ятыр гожтэтъёссэс.
Ожгарчиослэсь вазиськон вуиз: туж кулэ дронъёс, уз луы-а соосты поттонэз йылтыны!? Президент шуиз: асьмелэнъёс утё 2 сюрс иськемлэсь ятыр кыстӥськись кунгожез. Кудӥз ке но пыдлон, мукетыз - матынгес - таосаз кулэ луись тӥрлык но вуттыны капчигес. Кыдёкын ке, валамон, секытгес... Та ужпумез син шорам возисько, ожгарчиосмы номырлы ёрмыны кулэ ӧвӧл, дронъёсты поттонэз одно ик йылтом, шуиз со.
Меӵак эфир кыстӥськиз 3 час 40 минут. Валамон, вань юанъёслы валэктыны Президент ӧз вутты. Но одӥг юан но эскерытэк кельтэмын уз луы: котькудзэ ар куспын сэрттозы-пертчозы «Калык фронт» движение пырисьёс.
Нялтас вераса, Президентэн нырысетӥез меӵак эфир ортчиз 20 ар талэсь азьло.
Кызыьы пусйиз Кун кенешлэн Тӧроез Владимир Невоструев, меӵак эфирын трос юанъёс чузъяськизы: сиён-юонлы дунъёс бордысен кутскыса, спецоперациозь.
«Президент котькуд удысэз син шораз возе, котькудысьтыз югдурез, озьы ик лыдпусъёсты но ӟеч тодэ. Президент пусйиз: кунмылы азьлань мыныны луонлыкъёс паськытэсь, ӟеч пала воштӥськонъёсмы но уно. Россия понна валтӥсез — калыкмылэн огазе луэмез, экономикалэн ӝутскемез. Вуз, табыш поттон йылэ. Тае адӟиськомы Удмурт шаермыя но: экономикамы ӟеч азинске. Тазьы ик луоз азьланяз но. Ми депутатъёсын азьланяз но тыршомы калыкез сюлмаськытӥсь ужпумъёсты сэрттыны-пертчыны», - пусйиз Владимир Невоструев.