Егитъёс пӧлын патриотизм мылкыдэз ӝутон сярысь кенешизы
08.02.2024
Удмуртиын ожгарчиослэсь ватэм интыоссэс тупатъян но егитъёс пӧлын патриотизм мылкыдэз ӝутон сярысь кенешизы. Кенешонэ пыриськизы Кун Думаысь депутат, «Единая Россия» партилэн «Историческая память» проектэзлэн координаторез Лариса Буранова, элькун Правительстволэн Тӧроезлэн воштӥсез Наталья Тойкина, егитъёсын ужан политикая агентстволэн кивалтӥсез Алексей Выстребов но мукет кивалтӥсьёс. Люкаськемъёслы вазиськыса, Лариса Буранова пусйиз: таяз аре но азьланьтыны кулэ Быдӟым Атыкае оже пыриськемъёслы синпелетъёсты тупатъян ужез. Со сяна, депутат саклык висъяз воинской захоронениосты умой каронлы:
«Та ӧръя но уж нуиське, элькунысьтымы Быдӟым ожысь геройёсмы сярысь ивор люкамын. Удмурт Элькунысь Совето Союзысь Героез ним сётэмын 101 ожгарчилы, 20 адями Слава орденлэн, 28 мурт — Ленин орденлэн кавалеръёсыз. Тупатъяно соослы сӥзем вань синпелетъёсты, соосты ватэм интыосты».
Наталья Тойкина шуиз:
«Быдӟым ожысь, локальной ожъёсысь, спецоперациысь геройёслэсь нимъёссэс шараянъя-пусъёнъя комиссия ужа. Вуоно арын Быдӟым Вормонлы 80 ар тырмонэз пусъён улсын кылдытэмын луоз ожысь геройёслы сӥзем синпелетъёсъя, оже пыриськемъёсты ватэм интыосъя нимысьтыз реестр». Нимысьтыз вераськизы СВО-ын быремъёсты буре ваён пумысен. Али Удмуртиын «Парта Героя» проектлы луыса дышетонъя учреждениосын кылдытъяло геройлэсь партазэ, солэн улон сюресэз но геройлыко быремез сярысь гожтыса. Со сяна, школа музейёсын стендъёс лэсьто, «Разговоры о важном» ортчо, буре ваён пулъёс усьтӥськыло. Пусйыны кулэ: СВО-ын быремъёслы сӥзьыса стела усьтэмын Кизнер каргуртын, «Единая Россия» партиысь депутатъёс юрттэмъя Ижысь нылпи творчествоя юрт азьын синпелет пуктэмын.
«Та ӧръя но уж нуиське, элькунысьтымы Быдӟым ожысь геройёсмы сярысь ивор люкамын. Удмурт Элькунысь Совето Союзысь Героез ним сётэмын 101 ожгарчилы, 20 адями Слава орденлэн, 28 мурт — Ленин орденлэн кавалеръёсыз. Тупатъяно соослы сӥзем вань синпелетъёсты, соосты ватэм интыосты».
Наталья Тойкина шуиз:
«Быдӟым ожысь, локальной ожъёсысь, спецоперациысь геройёслэсь нимъёссэс шараянъя-пусъёнъя комиссия ужа. Вуоно арын Быдӟым Вормонлы 80 ар тырмонэз пусъён улсын кылдытэмын луоз ожысь геройёслы сӥзем синпелетъёсъя, оже пыриськемъёсты ватэм интыосъя нимысьтыз реестр». Нимысьтыз вераськизы СВО-ын быремъёсты буре ваён пумысен. Али Удмуртиын «Парта Героя» проектлы луыса дышетонъя учреждениосын кылдытъяло геройлэсь партазэ, солэн улон сюресэз но геройлыко быремез сярысь гожтыса. Со сяна, школа музейёсын стендъёс лэсьто, «Разговоры о важном» ортчо, буре ваён пулъёс усьтӥськыло. Пусйыны кулэ: СВО-ын быремъёслы сӥзьыса стела усьтэмын Кизнер каргуртын, «Единая Россия» партиысь депутатъёс юрттэмъя Ижысь нылпи творчествоя юрт азьын синпелет пуктэмын.