Владимир Невоструев ӟечкылаз Арлыдоослэн калыккуспо нуналэнызы

Котькуд ар нырысетӥ коньывуонэ пусъё Арлыдоослэсь калыккуспо нуналзэс. Праздникен шаерамы улӥсьёсты ӟечкылаз Удмурт Элькунысь Кун Кенешлэн Тӧроез Владимир Невоструев:
«Гажано эшъёс!
Та праздник возьматэ мӧйы калыкез сӥлы кареммес. Соосты, кинъёс уно аръёс ӵоже тыршизы шаермес но кунмес азинтыны, нош табере асьсэлэсь тодон-валанзэс но быгатонлыкъёссэс сёто егитъёслы.
Тӥляд киосыныды ӝутскиз туала Россия. Быдӟым ож вакытэ войнаын но, фронт мышкын но тӥ тыршиды Быдӟым Вормон понна. Война бере ӝутӥды производствоез, юнматӥды экономикаез, азинтӥды наукаез, пуктӥды выль городъёсты но гуртъёсты.
Улон возьматэ: асьмелэн ветеранъёсмы — ужез гажась-дунъясь но котькыӵе шуг-секытъёсты но курадӟонъёсты вормись адямиос. Соослэн подвигъёссы юртто милемлы туала вакытэ кужмогес луыны. Тӥ пиналъёслы возьматӥськоды, кызьы улонэз, шаермес яратоно.
Арлыдды шоры учкытэк, тӥляд мылкыдды етӥз, тӥ ялан калык пӧлын: творчествоен но спортэн выриськоды, культураез азинтӥськоды, проектъёсы пыриськиськоды.
Тау тӥледлы кунмы понна сюлмаськемды, асьтэдыз жалятэк ужамды но Удмурт шаерлы трос ӟечсэ лэсьтэмды понна. Тазалык, кузь улон сюрес но азинлык тӥледлы. Семьяяды ваньмыз умой мед луоз!»