Туннэ ожтӥрлык поттӥсьёслэн нуналзы

Туннэ Кун Кенешлэн Тӧроез Владимир Невоструев но депутатъёс, элькун правительствоысь кивалтӥсьёс ож тӥрлык поттӥсь предприятиослэн директоръёссы сяська понӥзы Ялан ӝуась тыл доры, Михаил Калашниковлэн но Дмитрий Устиновлэн бюстъёссы, ож тӥрлык поттӥсьёслы сӥзем пул, «Ижевск — ужын дано луэм город» стела доры. Ужрадэ пыриськиз Михаил Калашниковлэн нылыз Елена Калашникова но.
Ож тӥрлык поттӥсьёслэн праздниксылы сӥзьыса туннэ шаерамы пӧртэм ужрадъёс ортчозы. Шор площадь вӧзын (Наговицын ульчаын но Правительстволэн юртэз азьын) ужа военной техникаен но вашкала машинаосын адӟытон. Соосты дасязы «Купол», «Аксион-Холдинг», «Концерн «Калашников» предприятиос. Выставкае поттэмын «Тор», «Оса» зенитно-ракетной комплексъёс, «Тайфун» машина, «Адъютант» комплекс.
16 часысен Шор площадьын усьтӥськоз «Завод — это модно» адӟытон. Стендъёс вылын — обороная предприятиосын 28 егит ужасьёс.
Площадьысь фонтан дорын зарисовкаос пуктозы «Молодой человек» театрысь артистъёс. Нош ужрадлэн тужгес памытӥсь люкетэз луоз лазерен шоу, со возьматоз, кызьы азинскиз Ижын ож тӥрлык поттон.
Мӧзмыт уз луы шоркарлэн мукет микрорайонъёсаз улӥсьёслы но. Праздник ужан нуналэ тупа бере, ужрадъёс ӝытпал ортчозы. Драгунов оружейниклэн парказ, Рябиновой скверын, Тишино паркын 17 часысен кутскозы концертъёс но мастер-классъёс