Туннэ быдэс Россиын ортчиз «Капля жизни» акция

Радъяськиз со Ижын но. Локальной ожъёсын бырем солдатъёслы сӥзем памятник доры люкаськылӥзы кивалтӥсьёс, ветеран огазеяськонъёслэн ёзчиоссы, кадетъёс, школае, нылпи садэ ветлӥсьёс но мукет. Ваньзы соос синпелет азьын огшап шыпыт сылӥзы, терактъёсын быремъёсты буре вайыса. Собере вуэз, кырымпыдэсазы кутыса, сяськаос вылэ кисьтазы.
Ужрадэ пыриськиз Удмурт Элькунысь Кун Кенешлэн Тӧроезлэн воштӥсез – наукая, дышетонъя но граждан обществолэсь институтъёссэ азинтонъя ялан ужась комиссилэн кивлтӥсез Татьяна Ишматова.
«Капля жизни» кунамы ортче 2018-тӥ арысен. Ужрадлэн учредителез луэ шаерысьтымы Йӧскалык политикая министерство. Арысь аре акцие пыриськисьёс йыло. Кылсярысь, туэ со 78 улосын, 1 сюрс 417 площадкаосын ортчиз.