Удмуртиын усьтӥськиз калыклэсь кичӧлтонъёссэ огазеян понна «Единые» центр

Удмуртиын усьтӥськиз калыклэсь кичӧлтонъёссэ огазеян понна «Единые» центр. Россиын таӵе центръёс та дырозь ӧй на вал. Ижкарын со «ПоддЕРжка» проектлэн штабаз усьтӥськиз.
«Удмуртия адӟем карымон ужа некоммерческой секторез азинтон понна, - вераз Кун Думалэн Тӧроезлэн воштӥсез, «Единая Россия» партилэн Генеральной советэзлэн секретарез, партилэн Генеральной советэзлэн анайёсты, нылпиосты утёнъя но семьяослы юрттонъя комиссилэн кивалтӥсез Анна Кузнецова, - выль центре юрттэтсэ ӵектыса яке юрттэт курыса вань мылкыд карисьёс лыктыны быгатозы. Удмуртиын туж тунсыко проектъёс вордӥсько. Кылсярысь сепъёслэн «Музей исчезнувших деревень» проектсыя методичка но лэсьтэмын ни, сое уже мукет улосъёсын но куто.
Ресурсной центрын огазеяськонъёс понна дышетсконъёс, мастер-классъёс ортчытъяны чаклаське.