Кун Кенешлэн Президиумез инициативной бюджетирования ӵектосъёсты быдэсъянлэсь мынэмзэ эскериз
06.12.2021
Туннэ Владимир Невоструев Кун Кенешлэн Президиумезлэсь кенешонзэ ортчытӥз. Депутатъёс инициативной бюджетирования проектъёсты быдэсъянлэсь мынэмзэ эскеризы.
Коньдон ужпумъёсъя элькун министерствоысь ёзэслэн кивалтӥсезлэн воштӥсез Мария Кулакова тодэ вайытӥз, инициативной бюджетирования программа Удмуртиын 2019 арын ужаны кутскиз шуыса. Со калыклы интывылъёсты азинтон уже пыриськыны но со понна ватсаса коньдон кыскыны луонлык кылдытӥз. Али программалэн кык ӧръёсыз ужало: улосысь инфраструктураез тупатъян-лэсьтонъя «Наша инициатива» но егитъёслэсь ӵектосъёссэс быдэсъянъя «Атмосфера» проектъёс. 2022 арын сӧсыръёслэн ӵектосъёссыя нимысьтыз ӧр кылдоз.
Куинь ар ӵоже инициативной бюджетирования программая быдэстэм ӵектосъёслэн лыдзы кӧня ке пол будӥз: 2019 арын «Наша инициатива» ӧръя 83 проект улонэ пыӵатэмын вал, 2020 арын «Наша инициатива» но «Атомсфера» ӧръёсъя 376 ӵектос быдэстэмын. 2021 арын проектъёслэн огъя лыдзы 449-озь вуиз.
Соин ӵош йылӥз коньдон висъян но, пусйиз Мария Кулакова. 2019 арын проектъёслы муниципал бюджетъёсы ватсаса 58,8 миллион манет вуиз, со пӧлысь 45,6 миллион манетэз – элькун бюджетысь. 2021 арын 267,9 миллион манет кыскемын, 215,3 миллион манетэз со – улосвыл бюджетысь.
Инициативной бюджетирования быдэстэм ӵектосъёс пӧлысь бадӟым люкетэз герӟаськемын сюресъёсты тупатъянэн, спорт но нылпи площадкаосты лэсьтонэн, интывылъёсты чебер каронэн. «Атмосфера» проектъя егитъёс коньдон басьто пӧртэм фестивальёс но конкурсъёс радъяны, ваньмон дырез ортчытон интыос кылдытъяны.
2021 арын инициативной бюджетирование ужрад федерал но улосвыл катрадлыкен юнматэмын вал. Куартолэзе Кун Кенешысь депутатъёс интыысь аскивалтон но Кивалтэт сярысь элькун катъёсы воштонъёсты кутӥзы. Озьы калыклы улон котырзэ умоятон уже ас мылкыд каремезъя пыриськыны катэн луонлык сётэмын вал.
Муниципал проектъёслы конкурс ортчытон но проектъёслы улосвыл коньдэтысь уксё висъян радлык Кивалтэтлэн пуктэтэныз пусъемын. Та дыре муниципал кылдытэтъёсысь ӧнерчиос но каръёсын но гуртъёсын улӥсьёс пӧлын 2022 арлы конкурсъёсъя валэктон уж мытэмын.
Президиумлэн кенешоназ инициативной бюджетирования ужзы сярысь вераз «Ува ёрос» муниципал округлэн Тӧроез Владимир Головин.
Кун Кенешысь «Единая Россия» фракцилэн кивалтӥсез Елена Дербилова пусйиз, элькун парламентысь уноез депутатъёс округъёсазы проектъёсты быдэсъяны юртто шуыса – кин ке коньдонэн, кин ке ужъёсты радъянэн.
Кун Кенешлэн Тӧроез Владимир Невоструев инициативной бюджетирования программалэн пайдалыкезлы вылӥ дунъет сётӥз. Вуоно арлы элькун коньдэтын проектъёсты быдэсъяны чаклам уксёлэсь быдӟалазэ пичиятыны уг яра, шуиз со.
Коньдон ужпумъёсъя элькун министерствоысь ёзэслэн кивалтӥсезлэн воштӥсез Мария Кулакова тодэ вайытӥз, инициативной бюджетирования программа Удмуртиын 2019 арын ужаны кутскиз шуыса. Со калыклы интывылъёсты азинтон уже пыриськыны но со понна ватсаса коньдон кыскыны луонлык кылдытӥз. Али программалэн кык ӧръёсыз ужало: улосысь инфраструктураез тупатъян-лэсьтонъя «Наша инициатива» но егитъёслэсь ӵектосъёссэс быдэсъянъя «Атмосфера» проектъёс. 2022 арын сӧсыръёслэн ӵектосъёссыя нимысьтыз ӧр кылдоз.
Куинь ар ӵоже инициативной бюджетирования программая быдэстэм ӵектосъёслэн лыдзы кӧня ке пол будӥз: 2019 арын «Наша инициатива» ӧръя 83 проект улонэ пыӵатэмын вал, 2020 арын «Наша инициатива» но «Атомсфера» ӧръёсъя 376 ӵектос быдэстэмын. 2021 арын проектъёслэн огъя лыдзы 449-озь вуиз.
Соин ӵош йылӥз коньдон висъян но, пусйиз Мария Кулакова. 2019 арын проектъёслы муниципал бюджетъёсы ватсаса 58,8 миллион манет вуиз, со пӧлысь 45,6 миллион манетэз – элькун бюджетысь. 2021 арын 267,9 миллион манет кыскемын, 215,3 миллион манетэз со – улосвыл бюджетысь.
Инициативной бюджетирования быдэстэм ӵектосъёс пӧлысь бадӟым люкетэз герӟаськемын сюресъёсты тупатъянэн, спорт но нылпи площадкаосты лэсьтонэн, интывылъёсты чебер каронэн. «Атмосфера» проектъя егитъёс коньдон басьто пӧртэм фестивальёс но конкурсъёс радъяны, ваньмон дырез ортчытон интыос кылдытъяны.
2021 арын инициативной бюджетирование ужрад федерал но улосвыл катрадлыкен юнматэмын вал. Куартолэзе Кун Кенешысь депутатъёс интыысь аскивалтон но Кивалтэт сярысь элькун катъёсы воштонъёсты кутӥзы. Озьы калыклы улон котырзэ умоятон уже ас мылкыд каремезъя пыриськыны катэн луонлык сётэмын вал.
Муниципал проектъёслы конкурс ортчытон но проектъёслы улосвыл коньдэтысь уксё висъян радлык Кивалтэтлэн пуктэтэныз пусъемын. Та дыре муниципал кылдытэтъёсысь ӧнерчиос но каръёсын но гуртъёсын улӥсьёс пӧлын 2022 арлы конкурсъёсъя валэктон уж мытэмын.
Президиумлэн кенешоназ инициативной бюджетирования ужзы сярысь вераз «Ува ёрос» муниципал округлэн Тӧроез Владимир Головин.
Кун Кенешысь «Единая Россия» фракцилэн кивалтӥсез Елена Дербилова пусйиз, элькун парламентысь уноез депутатъёс округъёсазы проектъёсты быдэсъяны юртто шуыса – кин ке коньдонэн, кин ке ужъёсты радъянэн.
Кун Кенешлэн Тӧроез Владимир Невоструев инициативной бюджетирования программалэн пайдалыкезлы вылӥ дунъет сётӥз. Вуоно арлы элькун коньдэтын проектъёсты быдэсъяны чаклам уксёлэсь быдӟалазэ пичиятыны уг яра, шуиз со.