Кун Кенешлэн Президиумезлэн ёзчиосыз элькунысь кӧня ке выль мерлыко объектъёсы вуылӥзы
21.09.2021
Туннэ Владимир Невоструев Кун Кенешлэн Президиумезлэн ёзчиосыныз выль мерлыко объектъёсты лэсьтон ужпумъёслы сӥзем кенешон ортчытӥз. Депутатъёс кӧня ке интыосы потазы. Тодматскизы выльдон-тупатъян бере усьтӥськем Йӧскалык библиотекалэн юртэныз, Ижкарысь 50 метръем выль бассейнэн, «Арена» коворк спорт огъетэн, вуылӥзы Вотка ёросысь Пихтовка гуртэ. Отын «Вуоноысь гурт» ӵектос быдэсъяське.
Элькунысь Йӧскалык библиотекаын туннэ кӧня ке туала зонаос ужало: Арт-центр, книгаосты сётъянъя кафедра, лыдӟиськон зал, адӟисьтэмъёслы но ляб адӟисьёслы лыдӟиськыны юрттэт сётонэз радъянъя улосвыл центр, конференц-зал, литература кафе но кунокуа, нылпи комната, дуно ужкагазъёсын ёзэт. Озьы ик усьтэмын мобильной офис но дышетонъя центр. Удмуртиысь Йӧскалык библиотекаын туннэ 1,5 миллионлэсь ятыр книга но ужкагаз утиське. 11 сюрсэз со пӧлысь дуно но шер пумиськылӥсь шуыса лыдъясько. Депутатъёслы библиотекаысь тужгес дуно книгаез возьматӥзы. Со – 1621 арын поттэм «Триодь постная».
Выльдӥськон мынӥз «Культура» йӧскалык ӵектос улсын. Ужъёс 1800-лэсь трос квадрат метр вылын ортчытэмын. Йӧскалык библиотекалэн кивалтӥсезлэн воштӥсез Ирина Крашенинникова Кун Кенешысь депутатъёслы ӵектосэз быдэстыны юрттэмзы понна тау кариз. Владимир Невоструев лыдӟиськонниысь ӧнерчиослы азинлыко уж сӥзиз но борддор вылэ ошиськись час кузьмаз.
Президиумлэн ёзчиосыз озьы ик спортъя кык выль объектъёсы вуылӥзы. Одӥгез со - алигес усьтӥськем «Инву» бассейн. Со - вуэн герӟаськем спорт амалъёсъя зэмос туала центр. Юртлэн кивалтӥсез Анастасия Бабайлова верамъя, юртын кык бассейн лэсьтэмын: одӥгез 50 метръем, мукетыз – 12 метръем. Одӥг смена ӵоже огъетын 140 адями уяны быгатэ. Бассейн Олимпи кабъёслы тупа, уясьёслэсь ӝоглыксэс но дырзэс автомат пусъе. Вуэз туала тӥрлык чылкытатэ. Учкисьёслы 640 интылы трибунаос лэсьтэмын.
Мукетыз спорт объект – «Арена» коворк. Со Ижкарын 2019 арын инвесторъёслэн коньдонэнызы пуктэмын. «Арена» - спортлэн вань амалъёсызлы чаклам липет улэ пыртэм стадион. Кызьы вераз «Острова» группалэн - ӵектослэн одӥгезлэн инвесторезлэн – кивалтӥсез, Кун Кенешысь бюджетъя, вытъёсъя но коньдон ужпумъёсъя ялан ужась комиссилэн кивалтӥсез Владимир Паршин, «Арена» коворк кылдӥз инвесторъёслэн мини-футболэз азинтыны мылкыдзы бордысь, собере малпан паськытаз. Ӵектосэз быдэстыны ог 200 млн манет кыскемын. Куинь этажъем огъетэ кык бадӟым шудон бусы, хоккей тренажёр, ӝӧк выл теннисъя зал но мукет висъетъёс пыро. Коворкингын туэ гудырикошконэ ини йӧскалык но олимпи луисьтэм спорт амалъёсъя фестивальлэн ӵошатсконъёсыз ортчизы. Владимир Невоструев Владимир Паршинлы тау кариз Удмуртиысь спорт инфраструктураез азинтонэ пыриськемез понна.
Туннэ ик депутатъёс Вотка ёросысь Пихтовка гуртын «Вуоноысь гурт» ӵектос улсын мынӥсь лэсьтӥськон ужъёсын тодматскизы. Соос сярысь чорыг будэтонъя «Пихтовка» гурт возёслэн кивалтӥсез Георгий Крылов но Вотка ёрослэн тӧроез Илья Прозоров веразы. Та дырлы гуртын рос-прос тупатъямын сюрес, йылпумъясько тыметлэсь ӵыпетсэ выльдон но югдытэм тротуарез лэсьтон ужъёс. Пихтовкаын Удмуртиын нырысетӥез цифра амалэз уже кутӥсь ФАП пуктэмын. Азьланьтӥське выль стадионэз ӝутон. Культура юртын, тупатъян ужъёс йылпумъяськем бере, онлайн-кинотеатр усьтӥськоз. Гуртлэн шораз но урамъёсын чебер шутэтскон интыос кылдо. Депутатъёс пусйизы, «Вуоноысь гурт» ӵектос Пихтовка но огъя Удмуртия туж пайдалыко проект луэ шуыса.
Элькунысь Йӧскалык библиотекаын туннэ кӧня ке туала зонаос ужало: Арт-центр, книгаосты сётъянъя кафедра, лыдӟиськон зал, адӟисьтэмъёслы но ляб адӟисьёслы лыдӟиськыны юрттэт сётонэз радъянъя улосвыл центр, конференц-зал, литература кафе но кунокуа, нылпи комната, дуно ужкагазъёсын ёзэт. Озьы ик усьтэмын мобильной офис но дышетонъя центр. Удмуртиысь Йӧскалык библиотекаын туннэ 1,5 миллионлэсь ятыр книга но ужкагаз утиське. 11 сюрсэз со пӧлысь дуно но шер пумиськылӥсь шуыса лыдъясько. Депутатъёслы библиотекаысь тужгес дуно книгаез возьматӥзы. Со – 1621 арын поттэм «Триодь постная».
Выльдӥськон мынӥз «Культура» йӧскалык ӵектос улсын. Ужъёс 1800-лэсь трос квадрат метр вылын ортчытэмын. Йӧскалык библиотекалэн кивалтӥсезлэн воштӥсез Ирина Крашенинникова Кун Кенешысь депутатъёслы ӵектосэз быдэстыны юрттэмзы понна тау кариз. Владимир Невоструев лыдӟиськонниысь ӧнерчиослы азинлыко уж сӥзиз но борддор вылэ ошиськись час кузьмаз.
Президиумлэн ёзчиосыз озьы ик спортъя кык выль объектъёсы вуылӥзы. Одӥгез со - алигес усьтӥськем «Инву» бассейн. Со - вуэн герӟаськем спорт амалъёсъя зэмос туала центр. Юртлэн кивалтӥсез Анастасия Бабайлова верамъя, юртын кык бассейн лэсьтэмын: одӥгез 50 метръем, мукетыз – 12 метръем. Одӥг смена ӵоже огъетын 140 адями уяны быгатэ. Бассейн Олимпи кабъёслы тупа, уясьёслэсь ӝоглыксэс но дырзэс автомат пусъе. Вуэз туала тӥрлык чылкытатэ. Учкисьёслы 640 интылы трибунаос лэсьтэмын.
Мукетыз спорт объект – «Арена» коворк. Со Ижкарын 2019 арын инвесторъёслэн коньдонэнызы пуктэмын. «Арена» - спортлэн вань амалъёсызлы чаклам липет улэ пыртэм стадион. Кызьы вераз «Острова» группалэн - ӵектослэн одӥгезлэн инвесторезлэн – кивалтӥсез, Кун Кенешысь бюджетъя, вытъёсъя но коньдон ужпумъёсъя ялан ужась комиссилэн кивалтӥсез Владимир Паршин, «Арена» коворк кылдӥз инвесторъёслэн мини-футболэз азинтыны мылкыдзы бордысь, собере малпан паськытаз. Ӵектосэз быдэстыны ог 200 млн манет кыскемын. Куинь этажъем огъетэ кык бадӟым шудон бусы, хоккей тренажёр, ӝӧк выл теннисъя зал но мукет висъетъёс пыро. Коворкингын туэ гудырикошконэ ини йӧскалык но олимпи луисьтэм спорт амалъёсъя фестивальлэн ӵошатсконъёсыз ортчизы. Владимир Невоструев Владимир Паршинлы тау кариз Удмуртиысь спорт инфраструктураез азинтонэ пыриськемез понна.
Туннэ ик депутатъёс Вотка ёросысь Пихтовка гуртын «Вуоноысь гурт» ӵектос улсын мынӥсь лэсьтӥськон ужъёсын тодматскизы. Соос сярысь чорыг будэтонъя «Пихтовка» гурт возёслэн кивалтӥсез Георгий Крылов но Вотка ёрослэн тӧроез Илья Прозоров веразы. Та дырлы гуртын рос-прос тупатъямын сюрес, йылпумъясько тыметлэсь ӵыпетсэ выльдон но югдытэм тротуарез лэсьтон ужъёс. Пихтовкаын Удмуртиын нырысетӥез цифра амалэз уже кутӥсь ФАП пуктэмын. Азьланьтӥське выль стадионэз ӝутон. Культура юртын, тупатъян ужъёс йылпумъяськем бере, онлайн-кинотеатр усьтӥськоз. Гуртлэн шораз но урамъёсын чебер шутэтскон интыос кылдо. Депутатъёс пусйизы, «Вуоноысь гурт» ӵектос Пихтовка но огъя Удмуртия туж пайдалыко проект луэ шуыса.