«Кизили» удмурт нылпи журналлы 35 ар тырмиз
18.09.2021
Удмурт кылын потӥсь «Кизили» нылпи журнал 35 ар тырмонзэ пусйиз. Юбилейлы сӥзем ужрадъёс 17 куарусёнэ Ижкарысь зоопаркын ортчизы. Отчы пыриськизы Кун Кенешысь наукая, дышетонъя, культурая, туризмъя но йӧскалык политикая ялан ужась комиссилэн кивалтӥсез Татьяна Ишматова, культурая министр Владимир Соловьёв, йӧскалык политикая министр Лариса Буранова, печатья но коммуникациосъя улосвыл Агентстволэн кивалтӥсез Александр Валов, редакциын ужасьёс, лыдӟисьёс, пӧртэм ёросъёсысь но каръёсысь куноос.
«Кизили» - удмурт кылын лыдӟиськись но гожъяськись, киужен вырись, йыртӥянъёсты сэрттыны тыршись, вожвылъяськонъёсы пыриськись пиналъёслэн яратоно журналзы», - шуиз Татьяна Ишматова.
«Унояз школаосын журналэз удмурт кылъя, технология, шаерез тодонъя урокъёсын дышетскон пособие интыын куто. «Кизили» пиналъёслы быгатонлыкъёссэс шараян аспӧртэм площадка выллем луэ», - пусйиз журналлэн валтӥсь редакторез Юргис Алексеев.
Празднике люкаськем вань куноослы «Кизили»-ен ӵош» книга кузьмазы. Со нимысьтыз юбилейлы поттэмын.
35 ар ӵоже печатьысь журналлэн 1,5 миллионлэсь ятыр экземплярез потӥз. Удмуртиын сяна, сое бускель улосъёсын, озьы ик Финляндиын но Эстониын лыдӟо.
«Кизили» - удмурт кылын лыдӟиськись но гожъяськись, киужен вырись, йыртӥянъёсты сэрттыны тыршись, вожвылъяськонъёсы пыриськись пиналъёслэн яратоно журналзы», - шуиз Татьяна Ишматова.
«Унояз школаосын журналэз удмурт кылъя, технология, шаерез тодонъя урокъёсын дышетскон пособие интыын куто. «Кизили» пиналъёслы быгатонлыкъёссэс шараян аспӧртэм площадка выллем луэ», - пусйиз журналлэн валтӥсь редакторез Юргис Алексеев.
Празднике люкаськем вань куноослы «Кизили»-ен ӵош» книга кузьмазы. Со нимысьтыз юбилейлы поттэмын.
35 ар ӵоже печатьысь журналлэн 1,5 миллионлэсь ятыр экземплярез потӥз. Удмуртиын сяна, сое бускель улосъёсын, озьы ик Финляндиын но Эстониын лыдӟо.