Кун Кенешлэн куамын ньылетӥ сессиезлэн ужанрадаз ватсаса ужпумъёс пыртӥзы

Туннэ Владимир Невоструев видеоконференция амалэн Кун Кенешлэн Азьвалтэтэзлэсь кенешонзэ ортчытӥз. Депутатъёс куамын ньылетӥ сессилэн ужанрадаз 9 ужпум пыртӥзы. Сессиын огъя 37 ужпумез сэрттыны-пертчыны чакламын, 23-ез со – элькун катъёслэн ӵектосъёссы.
Эскероно катӵектосъёс пӧлын – элькунлэн 2021 арлы бюджетэз, выт тыронъя ставкаос, коммунальной юрттӥськет понна капчиятонъёс сярысь катъёсы воштонъёс, озьы ик анай-атайтэк кылем пиналъёслы но трос нылпиё семьяослы юрттонъя законъёсы тупатъянъёс.
Куамын ньылетӥ сессияз ортчоз 7 куарусёнэ 2021 арын.