Удмуртиын калыкез уже интыян сярысь федерал катэ воштонъёсты эскеронъя калык кылзонъёс радъяськозы
23.03.2021
Кун Кенешысь «Единая Россия» фракцилэн кивалтӥсез Елена Дербилова калыкез уже интыян сярысь федерал катэ воштонъёсты дасян ужпумъёслы сӥзем кенешон ортчытӥз. Вераськонэ пыриськизы Кун Кенешысь, Ижкар Думаысь депутатъёс, партилэн Улосвыл исполкомезлэн ёзчиосыз.
Калыкез уже интыян сярысь катэз выльдонлэн кулэлыкез сярысь 2020 арын куартолэзе вераз вал «Единая Россия» партилэн Тӧроез Дмитрий Медведев. Воштонъёсты дасян бордын нимысьтыз кылдытэм группа ужаз.
Туэ тулыспал толэзе катӵектос Кун Думае вуиз. Со уж утчасьёсты мултэс кагаз гожъянъёслэсь мозмытонэз, цифровой технологиосты паськытгес кутонэз, нимысьтыз ужасьёслы юрттэт сётонэз чакла.
Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев пусйиз, катын уж утчасьёслэн но, уж сётисьёслэн но тунсыкъёссы утемын луыны кулэ. Озьы ик саклык висъяно егит ӧнерчиослы, сӧсыр муртъёслы, пенсилы матэктӥсь арлыдъем уж утчасьёслы. Со понна улосъёсын калык кылзонъёс ортчытыны чакламын. Отын чузъяськем ӵектонъёс катэз нырысетӥ но кыкетӥ лыдӟонъёслы дасяку лыдэ басьтэмын луозы.
Удмуртиын кылзонъёс кӧня ке интыосын радъяськозы. Отчы пӧртэм кенешъёсысь депутатъёсты, профсоюзъёслэсь ёзчиоссэс, уже интыянъя службаосын ужасьёсты, предприятиосын кивалтӥсьёсты но мукет уж сётӥсьёсты ӧтёзы.
Калыкез уже интыян сярысь катэз выльдонлэн кулэлыкез сярысь 2020 арын куартолэзе вераз вал «Единая Россия» партилэн Тӧроез Дмитрий Медведев. Воштонъёсты дасян бордын нимысьтыз кылдытэм группа ужаз.
Туэ тулыспал толэзе катӵектос Кун Думае вуиз. Со уж утчасьёсты мултэс кагаз гожъянъёслэсь мозмытонэз, цифровой технологиосты паськытгес кутонэз, нимысьтыз ужасьёслы юрттэт сётонэз чакла.
Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев пусйиз, катын уж утчасьёслэн но, уж сётисьёслэн но тунсыкъёссы утемын луыны кулэ. Озьы ик саклык висъяно егит ӧнерчиослы, сӧсыр муртъёслы, пенсилы матэктӥсь арлыдъем уж утчасьёслы. Со понна улосъёсын калык кылзонъёс ортчытыны чакламын. Отын чузъяськем ӵектонъёс катэз нырысетӥ но кыкетӥ лыдӟонъёслы дасяку лыдэ басьтэмын луозы.
Удмуртиын кылзонъёс кӧня ке интыосын радъяськозы. Отчы пӧртэм кенешъёсысь депутатъёсты, профсоюзъёслэсь ёзчиоссэс, уже интыянъя службаосын ужасьёсты, предприятиосын кивалтӥсьёсты но мукет уж сётӥсьёсты ӧтёзы.