Удмурт Элькунлэн 2021 но вуоно аръёслы бюджетэз сярысь катэ воштонъёс эскеремын
25.03.2021
Туннэ Владимир Паршин бюджетъя, вытъёсъя но коньдон ужпумъёсъя ялан ужась комиссилэсь кенешонзэ ортчытӥз. Депутатъёс Элькунлэн 2021 но вуоно 2022 но 2023 аръёслы бюджетэз сярысь катэ воштонъёсты эскеризы.
Коньдэтлэсь табыш люкетсэ 955 млн манетлы, уже кутон люкетсэ - 4 млрд 140 млн манетлы будэтыны ӵектэмын. Элькунысь коньдон ужпумъёсъя министрлэн воштӥсез Вера Сухих верамъя, уксё кун асъетысь предприятиослэсь акциоссэс вузаса потӥз, озьы ик вань азьвыл аре кутытэк кылем коньдон.
Ватсаса вуэм уксёлэсь 173 млн манетсэ адямиослэсь улон ӟечлыксэс ӝутон но тазалыксэс юнматон ужрадъёслы: дунтэм дунъёсъя эмъюмъёс басьтыны, секыт висисьёслы юрттэт сётыны, ёрмыса улӥсь семьяосысь нылпиослы йӧл суретъёс басьтыны кутыны ӵекто. 334 млн манет чакламын «Образование», «Безопасные и качественные автомобильные дороги» и «Производительность труда и поддержка занятости» йӧскалык проектъёслы.
445 миллион манет ватсаса висъяны ӵекто агропром огъетлы, 280 миллион – лэсьтӥськон удыслы, 212 миллион манет – транспортын мынон-ветлон понна капчиятонъёслы.
Катлэн ӵектосаз озьы ик муниципал огазеяськонъёслэн бюджетъёссылы юрттэт сётыны 306 миллион манет чакламын. 106 миллион манет мыноз кышкытлыкъёслэсь утиськон но эстӥськон вакытлы дасяськон ужрадъёслы.
Ватасаса коньдон чакламын иворъёсты вӧлмытӥсь ёзъёслы, гуртэ ужаны лыктэм егит дышетӥсьёслы юрттэтлы, арлыдоослы чаклам ужрадъёслы но спортъя клубъёслы, озьы ик сӧсыр муртъёслы уж инты кылдытэм предприятиослы коммунальной юрттӥськетъёс понна тыриськонъёссэс берыктонлы.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 86,7 млрд манет луоз, уже кутон люкетэз – 90,4 млрд манет. Дефицитлэн быдӟалаез - 3,7 млрд манет. Депутатъёс катӵектосэз умоен лыдъязы но сое Кун Кенешлэн сессияз эскерыны дэмлазы.
Коньдэтлэсь табыш люкетсэ 955 млн манетлы, уже кутон люкетсэ - 4 млрд 140 млн манетлы будэтыны ӵектэмын. Элькунысь коньдон ужпумъёсъя министрлэн воштӥсез Вера Сухих верамъя, уксё кун асъетысь предприятиослэсь акциоссэс вузаса потӥз, озьы ик вань азьвыл аре кутытэк кылем коньдон.
Ватсаса вуэм уксёлэсь 173 млн манетсэ адямиослэсь улон ӟечлыксэс ӝутон но тазалыксэс юнматон ужрадъёслы: дунтэм дунъёсъя эмъюмъёс басьтыны, секыт висисьёслы юрттэт сётыны, ёрмыса улӥсь семьяосысь нылпиослы йӧл суретъёс басьтыны кутыны ӵекто. 334 млн манет чакламын «Образование», «Безопасные и качественные автомобильные дороги» и «Производительность труда и поддержка занятости» йӧскалык проектъёслы.
445 миллион манет ватсаса висъяны ӵекто агропром огъетлы, 280 миллион – лэсьтӥськон удыслы, 212 миллион манет – транспортын мынон-ветлон понна капчиятонъёслы.
Катлэн ӵектосаз озьы ик муниципал огазеяськонъёслэн бюджетъёссылы юрттэт сётыны 306 миллион манет чакламын. 106 миллион манет мыноз кышкытлыкъёслэсь утиськон но эстӥськон вакытлы дасяськон ужрадъёслы.
Ватасаса коньдон чакламын иворъёсты вӧлмытӥсь ёзъёслы, гуртэ ужаны лыктэм егит дышетӥсьёслы юрттэтлы, арлыдоослы чаклам ужрадъёслы но спортъя клубъёслы, озьы ик сӧсыр муртъёслы уж инты кылдытэм предприятиослы коммунальной юрттӥськетъёс понна тыриськонъёссэс берыктонлы.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 86,7 млрд манет луоз, уже кутон люкетэз – 90,4 млрд манет. Дефицитлэн быдӟалаез - 3,7 млрд манет. Депутатъёс катӵектосэз умоен лыдъязы но сое Кун Кенешлэн сессияз эскерыны дэмлазы.