Кун Кенешын туризмез азинтон ужпумъёсты эскеризы
24.03.2021Туннэ Кун Кенешлэн Тӧроезлэн воштӥсез, кунэз лэсьтонъя, интыысь аскивалтонъя но кышкыттэмлыкъя ялан ужась ӧрилэн кивалтӥсез Александр Прозоров Президиумлэн ёзчиосыныз кенешон ортчытӥз. Депутатъёс Удмуртиын туризмез азинтон ужпумъёсты эскеризы.
Удысысь югдур сярысь вераз элькунысь экономикая министр Михаил Тумин. Со пусйиз, кылем арын «Туризмез азинтон куд-ог ужпумъёс сярысь» улосвыл кат юнматэмын вал шуыса. Пандемия огъя туризм удысэ шӧдскымон воштонъёс пыртӥз ке но, адямиослэн шаеренымы тунсыкъяськонзы будӥз.
2020 арын Удмуртиысь муниципал огазеяськонъёсы 360 сюрс туристъёс вуылӥзы. Тужгес трос адями – 87 сюрс мурт – ветлӥз Дэри ёросэ. Кыкетӥ интыын – Вотка кар. Чайковскийлэн вордӥськем интыяз 70 сюрс пала куноос вуылӥзы. Шаркан ёрос 32 сюрс адямиез пумитаз. Уно калык озьы ик ветлӥз Сарапул но Глазов ёросъёсы.
Туннэ Удмуртиын туризмъя 221 маршрут ужа. Ар ӵоже 234 пӧртэм ужрадъёс ортчытэмын, оглюкетэз соос онлайн амалэн радъяськизы.
2020 арын удысысь предприятиослы юрттэт сётон понна пӧртэм ужрадъёс кутэмын, кылсярысь, выт но ЖКХ понна тыронъёсъя капчиятонъёс кылдытэмын. Уноез туроператоръёс асьсэлэсь малпанъёссэс улонэ пыӵатон понна грантъёс утылӥзы. Со амалэн Удмуртиын валъёсын куно пумитан усадьба усьтыны, ву вылтӥ экскурсиос радъяны, ёросъёсысь туризмъя инфраструктураез выльдыны чакламын.
Кылем арын элькунысьтымы 10 компаниос «туризмъя кэшбэк» программае пыриськизы. Соос огъя 9 миллион манет тыр туръёссэс вузазы. Кылем арня вискын та программалэн куинетӥ люкетэз быдэсъяськыны кутскиз. Удмуртия отчы 5 санаторийёсын, кӧня ке туроператоръёсын но кунокуа огъетъёсын пыриське.
Удмуртиын улосвылкуспо проектъёс но быдэсъясько. Шаерамы улӥсьёслы но куноослы но тунсыко луизы «Тракторный биатлон» Калыккуспо шудонъёс. Арлы быдэ отчы ог 3 сюрс адями пыриське. Кылем арын та ужрад интывылэз азинтонъя одӥгез устоез ӵектос шуыса нимамын вал.
Удмуртилэн кунлык басьтэмез дырысенsp 100 ар тырмонлы сӥзьыса, шаерез тодонъя «ДаУР» ӵектос быдэстэмын. Со улсын шаерысьтымы 100 тужгес тунсыко интыос шараямын. Соос улосвыллэн туризмъя электрон картаосаз, озьы ик нимысьтыз иворпулъёс вылэ пыртэмын. Туэ та проект азьланьтӥськоз.
Элькунлэн туризм удысъя азинсконъёсыз огъя росси конкурсъёсын пусъемын. Озьы 2020 арын Удмуртия «Маршрут года» огъя росси конкурслэн улосвылъёсын рейтингаз нырысетӥ инты басьтӥз, кыкетӥ луиз «Туристический сувенир» конкурслэн но «Russian Event Awards – 2020» Йӧскалык премилэн рейтингъёсазы.
Туризмез азинтыны могӟетъёс пӧлы Михаил Тумин ляб инфраструктураез – урод сюресъёсты, машина пуктон интыослэсь тырмымтэзэс - пыртӥз. Со сяна, туристъёсын ужась культура учреждениослэн туж ляб материальной инъетсы. Ёросъёсын уг тырмо трос куноосты возьыны луоно интыос. Унояз администрациосын удыс понна кылкутӥсь адямиос ӧвӧл, уг тырмо ӧнерчиос.
Кун Кенешлэн Президиумезлэн ёзчиосыз та ужез вырӟытон понна инвесторъёсты кыскыны ӵектӥзы. Со сяна, соос сюлмаськемзэс веразы ёросъёсысь кибышлыослэн юртъёссылэн азьлань ужзы, аспӧртэм калык творчествоез но чеберлыко киужъёсты утён сярысь, удыслэсь ужзэ пайдалыкогес азинтонъя ӵектонъёссэс веразы. Соос пӧлын – туризм удысын сӧсыр муртъёслы луонлыкъёсты паськытатон.
Удысысь югдур сярысь вераз элькунысь экономикая министр Михаил Тумин. Со пусйиз, кылем арын «Туризмез азинтон куд-ог ужпумъёс сярысь» улосвыл кат юнматэмын вал шуыса. Пандемия огъя туризм удысэ шӧдскымон воштонъёс пыртӥз ке но, адямиослэн шаеренымы тунсыкъяськонзы будӥз.
2020 арын Удмуртиысь муниципал огазеяськонъёсы 360 сюрс туристъёс вуылӥзы. Тужгес трос адями – 87 сюрс мурт – ветлӥз Дэри ёросэ. Кыкетӥ интыын – Вотка кар. Чайковскийлэн вордӥськем интыяз 70 сюрс пала куноос вуылӥзы. Шаркан ёрос 32 сюрс адямиез пумитаз. Уно калык озьы ик ветлӥз Сарапул но Глазов ёросъёсы.
Туннэ Удмуртиын туризмъя 221 маршрут ужа. Ар ӵоже 234 пӧртэм ужрадъёс ортчытэмын, оглюкетэз соос онлайн амалэн радъяськизы.
2020 арын удысысь предприятиослы юрттэт сётон понна пӧртэм ужрадъёс кутэмын, кылсярысь, выт но ЖКХ понна тыронъёсъя капчиятонъёс кылдытэмын. Уноез туроператоръёс асьсэлэсь малпанъёссэс улонэ пыӵатон понна грантъёс утылӥзы. Со амалэн Удмуртиын валъёсын куно пумитан усадьба усьтыны, ву вылтӥ экскурсиос радъяны, ёросъёсысь туризмъя инфраструктураез выльдыны чакламын.
Кылем арын элькунысьтымы 10 компаниос «туризмъя кэшбэк» программае пыриськизы. Соос огъя 9 миллион манет тыр туръёссэс вузазы. Кылем арня вискын та программалэн куинетӥ люкетэз быдэсъяськыны кутскиз. Удмуртия отчы 5 санаторийёсын, кӧня ке туроператоръёсын но кунокуа огъетъёсын пыриське.
Удмуртиын улосвылкуспо проектъёс но быдэсъясько. Шаерамы улӥсьёслы но куноослы но тунсыко луизы «Тракторный биатлон» Калыккуспо шудонъёс. Арлы быдэ отчы ог 3 сюрс адями пыриське. Кылем арын та ужрад интывылэз азинтонъя одӥгез устоез ӵектос шуыса нимамын вал.
Удмуртилэн кунлык басьтэмез дырысенsp 100 ар тырмонлы сӥзьыса, шаерез тодонъя «ДаУР» ӵектос быдэстэмын. Со улсын шаерысьтымы 100 тужгес тунсыко интыос шараямын. Соос улосвыллэн туризмъя электрон картаосаз, озьы ик нимысьтыз иворпулъёс вылэ пыртэмын. Туэ та проект азьланьтӥськоз.
Элькунлэн туризм удысъя азинсконъёсыз огъя росси конкурсъёсын пусъемын. Озьы 2020 арын Удмуртия «Маршрут года» огъя росси конкурслэн улосвылъёсын рейтингаз нырысетӥ инты басьтӥз, кыкетӥ луиз «Туристический сувенир» конкурслэн но «Russian Event Awards – 2020» Йӧскалык премилэн рейтингъёсазы.
Туризмез азинтыны могӟетъёс пӧлы Михаил Тумин ляб инфраструктураез – урод сюресъёсты, машина пуктон интыослэсь тырмымтэзэс - пыртӥз. Со сяна, туристъёсын ужась культура учреждениослэн туж ляб материальной инъетсы. Ёросъёсын уг тырмо трос куноосты возьыны луоно интыос. Унояз администрациосын удыс понна кылкутӥсь адямиос ӧвӧл, уг тырмо ӧнерчиос.
Кун Кенешлэн Президиумезлэн ёзчиосыз та ужез вырӟытон понна инвесторъёсты кыскыны ӵектӥзы. Со сяна, соос сюлмаськемзэс веразы ёросъёсысь кибышлыослэн юртъёссылэн азьлань ужзы, аспӧртэм калык творчествоез но чеберлыко киужъёсты утён сярысь, удыслэсь ужзэ пайдалыкогес азинтонъя ӵектонъёссэс веразы. Соос пӧлын – туризм удысын сӧсыр муртъёслы луонлыкъёсты паськытатон.