Кудӟытӥсь юонъёсты вузанъя катрадлыклэн быдэсъяськемез эскеремын
19.03.2021
Владимир Варламов агропром огъетъя, музъем кусыпъёсъя, инкуазез уже кутонъя но сое утёнъя ялан ужась ӧрилэсь кенешонзэ ортчытӥз. Депутатъёс кудӟытӥсь юонъёсты вузанъя чурытатонъёс сярысь элькун катлэсь быдэсъяськемзэ эскеризы.
Удмуртиысь промышленностья но вузкаронъя министрлэн воштӥсез Оксана Чепурина верамъя, 2020 арын кудӟытӥсь юонъёсты вузанъя куронъёсты тӥян сярысь ӝутэм ужъёслэн лыдзы ог кык поллы йылӥз. Миым, угось, катрадлыке шӧдскымон чурытатонъёс пыртэмын вал. Озьы 1-тӥ гудырикошконысен кужымазы пыризы кудӟытӥсь юонъёсты улон коркаосы интыяськем заведениосын вузанэз дугдытӥсь воштонъёс. Кун Кенешлэн юнматэм катэзъя, улон коркаосын кудӟытӥсеныз вузкарыны быгато на 50 квадрат метрлэсь бадӟым залэн кафеос но ресторанъёс гинэ. Чурытатонъёс улэ сюриз калыкез сюдон 191 инты. Соос пӧлын – 24 буфет но 9 бар. Бадӟым люкетэз соос Ижкарын интыяськемын.
Арлэн кыкетӥ ӝыныяз калыкез сюдон 39 предприятие кудӟытӥсь юонъёсты вузаны лицензиезлэсь куштӥськиз, 12 огазеяськон предприятиезлэсь инлыксэ «кафелы» но «ресторанлы» воштӥз, 6 интыосын залъёссэс паськытатон ужъёсты мытӥзы.
Катрадлыклэсь куронъёссэ быдэсъямез чаклан вылысь промышленностья но вузкаронъя Министерство кунпуш ужпумъёсъя Министерствоен но Ижкарысь ёрос администрациосын ӵош рейдъёс ортчытъя. 2020 арлэн кыкетӥ ӝыныяз 109 интыосын сыӵе рейдъёс вал. Эскеронъёслэн йылпумъянъёссыя, 68-эз калыкез сюдон интыос ворсамын, 27-аз куронъёсты тӥянъёс шараямын, кылсярысь, кафеослэн но ресторанъёслэн калыклы чаклам залъёссылэн 50 квадрат метрлэсь ичигес быдӟалазы.
Кудӟытӥсь юонъёсты вузанъя катрадлыкез быдэсъянэн герӟаськем эшшо одӥгез лэчыт ужпум – трос квартираем юрт вӧзысь кудӟытӥсьсэ вузаны лэзьымтэ интылэсь быдӟалазэ пусъён. Федерал катрадлыкъя, со интыез, калыкен кенешыса, аскивалтон ёзъёс асьсэос пусйыны кулэ. Но унояз муниципал кылдытэтъёсын та уж быдэстэмын ӧвӧл, пусйиз Оксана Чепурина. Та дырлы кулэ ужкагазъёс 16 муниципал огазеяськонъёсын гинэ кутэмын. Ужез ӝегатскытэк лэсьтоно, вераз министрлэн воштӥсез. Солэсь кулэлыксэ пусйизы ялан ужась комиссиысь депутатъёс но.
Кенешонын мукет ужпумъёс но эскеремын. Сое йылпумъяса, ӧрилэн кивалтӥсез Владимир Варламов комиссиын тужгес пайдаё ужам депутатъёслы – кыкетӥ ӧтчамысь Валерьян Никитинлы, витетӥ ӧтчамысь Бронислав Ясоновлы но Владимир Красильниковлы - «За заслуги в развитии парламентаризма» Данъян пусъёс сётӥз.
Удмуртиысь промышленностья но вузкаронъя министрлэн воштӥсез Оксана Чепурина верамъя, 2020 арын кудӟытӥсь юонъёсты вузанъя куронъёсты тӥян сярысь ӝутэм ужъёслэн лыдзы ог кык поллы йылӥз. Миым, угось, катрадлыке шӧдскымон чурытатонъёс пыртэмын вал. Озьы 1-тӥ гудырикошконысен кужымазы пыризы кудӟытӥсь юонъёсты улон коркаосы интыяськем заведениосын вузанэз дугдытӥсь воштонъёс. Кун Кенешлэн юнматэм катэзъя, улон коркаосын кудӟытӥсеныз вузкарыны быгато на 50 квадрат метрлэсь бадӟым залэн кафеос но ресторанъёс гинэ. Чурытатонъёс улэ сюриз калыкез сюдон 191 инты. Соос пӧлын – 24 буфет но 9 бар. Бадӟым люкетэз соос Ижкарын интыяськемын.
Арлэн кыкетӥ ӝыныяз калыкез сюдон 39 предприятие кудӟытӥсь юонъёсты вузаны лицензиезлэсь куштӥськиз, 12 огазеяськон предприятиезлэсь инлыксэ «кафелы» но «ресторанлы» воштӥз, 6 интыосын залъёссэс паськытатон ужъёсты мытӥзы.
Катрадлыклэсь куронъёссэ быдэсъямез чаклан вылысь промышленностья но вузкаронъя Министерство кунпуш ужпумъёсъя Министерствоен но Ижкарысь ёрос администрациосын ӵош рейдъёс ортчытъя. 2020 арлэн кыкетӥ ӝыныяз 109 интыосын сыӵе рейдъёс вал. Эскеронъёслэн йылпумъянъёссыя, 68-эз калыкез сюдон интыос ворсамын, 27-аз куронъёсты тӥянъёс шараямын, кылсярысь, кафеослэн но ресторанъёслэн калыклы чаклам залъёссылэн 50 квадрат метрлэсь ичигес быдӟалазы.
Кудӟытӥсь юонъёсты вузанъя катрадлыкез быдэсъянэн герӟаськем эшшо одӥгез лэчыт ужпум – трос квартираем юрт вӧзысь кудӟытӥсьсэ вузаны лэзьымтэ интылэсь быдӟалазэ пусъён. Федерал катрадлыкъя, со интыез, калыкен кенешыса, аскивалтон ёзъёс асьсэос пусйыны кулэ. Но унояз муниципал кылдытэтъёсын та уж быдэстэмын ӧвӧл, пусйиз Оксана Чепурина. Та дырлы кулэ ужкагазъёс 16 муниципал огазеяськонъёсын гинэ кутэмын. Ужез ӝегатскытэк лэсьтоно, вераз министрлэн воштӥсез. Солэсь кулэлыксэ пусйизы ялан ужась комиссиысь депутатъёс но.
Кенешонын мукет ужпумъёс но эскеремын. Сое йылпумъяса, ӧрилэн кивалтӥсез Владимир Варламов комиссиын тужгес пайдаё ужам депутатъёслы – кыкетӥ ӧтчамысь Валерьян Никитинлы, витетӥ ӧтчамысь Бронислав Ясоновлы но Владимир Красильниковлы - «За заслуги в развитии парламентаризма» Данъян пусъёс сётӥз.