Экономика политикая, промышленностья но инвестициосъя ялан ужась ӧрилэн кенешонэз ортчиз
16.03.2021Туннэ Тимур Ягафаров дистанционной амалэн экономика политикая, промышленностья но инвестициосъя ялан ужась ӧрилэсь кенешонзэ ортчытӥз. Депутатъёс интыосысь аскивалтон но кун тӧрлык ёзъёс куспын ужоскетъёсты люкон сярысь элькун катэ пыртыны ӵектэм воштонъёсты эскеризы.
Со сяна, кенешонын Воткинск карез экономика но мерлык удысъёсъя азинтон ужпумъёсты эскеризы. Депутатъёсты карысь югдурен тодматӥз муниципал кылдытэтлэн тӧроез Алексей Заметаев.
Кивалтӥсь пусйиз, карлэн экономикаез промышленность вылэ пыкиське шуыса. Воткинск – моногород, солэн улонэз но ужез меӵак герӟаськемын «Вотка завод» акционер огазеяськонэн. Карысь бадӟым люкетэз ужась адямиос тыршо та предприятиын. Кар коньдэтлэн табыш люкетэзлэсь 35 процентсэ завод сётэ, отын 75 процентэз промышленной ваньбур поттӥське. Карын озьы ик ужало на машина лэсьтонъя, сиён-юон но лэсьтӥськон материалъёс поттӥсь предприятиос.
2020 ар но пандемилэн бервылъёсыз промышленной ваньбур поттон вылын умоен ӧз шӧдиське. Но предприятиослы но огазеяськонъёслы юрттэт сётӥське, вераз кивалтӥсь.
Экономикая политикалэн одӥгез валтӥсез ӧрез – пичи но шоръёзо ужбергатонэз азинтон. Карын та удысын 2 но ӝыны сюрс предприятиос пусъемын, отын 10 сюрслэсь ятыр адями ужа. Соослы юрттэт сётон понна Воткаын «Мой бизнес» Центр усьтэмын.
Нимысьтыз саклык висъяське зэмос табышъёсты шараянлы. Озьы 2020 арын выт тыронъя капчиятэм режим кылдытэмын. Солы луыса, 430-лэсь ятыр адями самозанятой шуыса пусйиськиз. Озьы пичи ужбергатонъя предприятиослэн лыдзы 10 процентлы будӥз. Уждунлэн быдӟалаез 7 дасмослы ӝутӥськиз но 42 315 манетозь вуиз. Уждунъя пунэмъёс ӧвӧл, вераз Заметаев.
Карлэн кивалтӥсез пусйиз, куд-ог ужпумъёсты элькун ласянь но сэрттыны-пертчыны кулэ шуыса. Кылсярысь, сюресъёсты возён, куашкан калэ вуэм юртъёсысь улӥсьёсты интыян, калыкез нуон-ваён ужъёсты радъян но мукет.
Кенешонын чузъяськем куронъёс но ӵектонъёс экономика политикая, промышленностья но инвестициосъя комиссиен уже басьтэмын. Воткинскез азинтон ужпумъёс пыр-поч эскеремын луозы на Кун Кенешлэн Президиуменыз.
Со сяна, кенешонын Воткинск карез экономика но мерлык удысъёсъя азинтон ужпумъёсты эскеризы. Депутатъёсты карысь югдурен тодматӥз муниципал кылдытэтлэн тӧроез Алексей Заметаев.
Кивалтӥсь пусйиз, карлэн экономикаез промышленность вылэ пыкиське шуыса. Воткинск – моногород, солэн улонэз но ужез меӵак герӟаськемын «Вотка завод» акционер огазеяськонэн. Карысь бадӟым люкетэз ужась адямиос тыршо та предприятиын. Кар коньдэтлэн табыш люкетэзлэсь 35 процентсэ завод сётэ, отын 75 процентэз промышленной ваньбур поттӥське. Карын озьы ик ужало на машина лэсьтонъя, сиён-юон но лэсьтӥськон материалъёс поттӥсь предприятиос.
2020 ар но пандемилэн бервылъёсыз промышленной ваньбур поттон вылын умоен ӧз шӧдиське. Но предприятиослы но огазеяськонъёслы юрттэт сётӥське, вераз кивалтӥсь.
Экономикая политикалэн одӥгез валтӥсез ӧрез – пичи но шоръёзо ужбергатонэз азинтон. Карын та удысын 2 но ӝыны сюрс предприятиос пусъемын, отын 10 сюрслэсь ятыр адями ужа. Соослы юрттэт сётон понна Воткаын «Мой бизнес» Центр усьтэмын.
Нимысьтыз саклык висъяське зэмос табышъёсты шараянлы. Озьы 2020 арын выт тыронъя капчиятэм режим кылдытэмын. Солы луыса, 430-лэсь ятыр адями самозанятой шуыса пусйиськиз. Озьы пичи ужбергатонъя предприятиослэн лыдзы 10 процентлы будӥз. Уждунлэн быдӟалаез 7 дасмослы ӝутӥськиз но 42 315 манетозь вуиз. Уждунъя пунэмъёс ӧвӧл, вераз Заметаев.
Карлэн кивалтӥсез пусйиз, куд-ог ужпумъёсты элькун ласянь но сэрттыны-пертчыны кулэ шуыса. Кылсярысь, сюресъёсты возён, куашкан калэ вуэм юртъёсысь улӥсьёсты интыян, калыкез нуон-ваён ужъёсты радъян но мукет.
Кенешонын чузъяськем куронъёс но ӵектонъёс экономика политикая, промышленностья но инвестициосъя комиссиен уже басьтэмын. Воткинскез азинтон ужпумъёс пыр-поч эскеремын луозы на Кун Кенешлэн Президиуменыз.