Кун Кенешын Удмуртиын улӥсь калыкъёслэн арберилыктэм (нематериальной) лулчеберет кылёсбурзы сярысь катӵектос дасяны кутскизы

Кун Кенешысь наукая, дышетонъя, культурая, туризмъя но йӧскалык политикая ялан ужась ӧрилэн кивалтӥсез Татьяна Ишматова Удмуртиын улӥсь калыкъёслэн арберилыктэм (нематериальной) культурая наследизы сярысь катӵектосэз дасян ужпумъёслы сӥзем кенешон ортчытӥз.
Вераськонэ пыриськизы Удмуртиысь лулчеберетъя Министерствоысь, наукаосъя Росси академилэн Урал ёзысьтыз эскеронъёсъя Удмурт федерал центрлэн история, кылъя но литературая Удмурт институтысьтыз, Удмурт Элькунысь Кузебай Герд нимо Йӧскалык музейысь, Удмурт кун университетысь искусствоосъя но дизайнъя Институтысь, Кун Кенешлэн Аппаратысьтыз ӧнерчиос.
Чакламъя, выль кат Удмуртиын улӥсь калыкъёслэсь арберилыктэм лулчеберет кылёсбурзэс шараян, утён, эскерон, кутон но вӧлмытон ужез радъялоз. Арберилыктэм лулчеберет кылёсбур пӧлы пырыны быгато калык сям-йылолъёс, тодон-валанъёс, кырӟан-веранъёс. Ӵектонъёс вань та кылёсбурлэсь реестрзэ кылдытыны. Катӵектосын кунлэн лулчеберет кылёсбурен ужанъя политикаез но солэн ӧръёсыз пусъемын луыны кулэ.
Кызьы вераз Татьяна Ишматова, Удмуртиын лулчеберетъя кылёсбур туж узыр. Сое утён но азинтон шаермылы туристъёс понна но тунсыко луыны юрттоз.
Катӵектосэз дасян бордын уж азьланьтӥськоз.