Удмуртилэн Кун Кенешысьтыз депутатъёс нылкышноослэн Калыккуспо нуналзылы сӥзем концертъёс радъязы

Кун Кенешысь депутатъёс, «КПРФ» фракцилэн ёзчиосыз Павел Чушъялов но Пётр Басов Пичи Пурга ёросысь гуртъёсын нылкышноослэн Калыккуспо нуналзылы сӥзем концертъёс радъязы. Возьматонъёс ортчизы Кечёво но Яган-Докъя черкогуртъёсын.
Нылкышноосты ӟечкылазы Россиысь дано, Удмуртиысь калык артист Геннадий Кузнецов, Удмуртиысь калык артистъёс Геннадий Бекманов но Геннадий Ганьков.
«Пандемиен сэрен гуртын улӥсь калык концертъёслэсь мӧзмиз ини. Соин ик ми Павел Васильевич Чушъяловен ӵош быръён округысьтымы нылкышноослы таӵе кузьым лэсьтоно кариським, ваньмызлы ӟеч тулыс мылкыд сётӥм», - пусйиз Кун Кенешысь депутат Пётр Басов.