«Народный контроль» ӵектослэн Мерлыко кенешез люкаськылӥз
04.03.2021
Кун Кенешысь агропром огъетъя, музъем кусыпъёсъя, инкуазез уже кутонъя но сое утёнъя ялан ужась ӧрилэн кивалтӥсез Владимир Варламов «Народный контроль» ӵектослэн Мерлыко кенешезлэсь пумиськонзэ ортчытӥз. Вераськонэ пыриськисьёс ӵектослэн 2020 арын ужамезлы йылпумъянъёс лэсьтӥзы но 2021 арлы ужпумъёсты пусйизы.
Владимир Варламов тодэ вайытӥз, Удмуртиын «Народный контроль» ӵектос 2010 арысен быдэсъяське шуыса. Со адямиослэсь вузъёслэн но юрттӥськетъёслэн ӟечлыксы, вуз поттон удысъя политика сярысь тодон-валанъёссэс ӝутон понна чакламын.
Эскерон уже мерлыко огазеяськонъёсысь, ужасьёслэн кенешъёсысьтызы, тӧрлык ёзъёсысь сюлэсь ятыр мылкыд карисьёс пырисько.
2020 арын ӵектослэн азьветлӥсьёсыз вузкарон но юрттӥськетъёс сётон удысын эскеронъёс нуизы. Озьы тамак луисьтэм никотино суретъёсын вузкаронэз дугдытэм бере, 19 вузкарон интыосын та катлэсь быдэсъяськемзэ эскеризы. 3-аз куронъёсты тӥян учыръёс шараямын. Кальянъёсты, вейпъёсты но электрон сигаретъёсты калыко интыосын кысконэз дугдытӥсь федерал кат ужаны кутскем бере, «калык контролёръёс» ёросъёсысь но каръёсысь 145 заведениосты чаклазы. Куронъёсты тӥян 12-аз пусъемын. Котькуд учыръя административной кылкутон сярысь протокол гожтэмын.
Нимысьтыз саклык висъяськиз гуртын улӥсьёслы вылӥ ӝоглыко интернет но герӟет вуттонэз эскеронлы. Эскерон улэ сюрем 588 гуртъёс пӧлысь 45-аз герӟет ӧй вал, 91-аз – Интернет. Ивортон элькунысь информатизацияя но герӟетъя Министерствое келямын.
2020 арын кунамы но элькунын улӥсьёс понна лэчыт луиз эмъюмъёслы но тужгес кулэ луись вузъёслы дунъёслэн будэмзы. Коньывуонысен толсурозь «калык контролёръёс» ёросъёсысь но каръёсысь аптекаосты, вузкаронниосты эскерыса возизы. Та ужлэн кулэлыкез али но вань. Кызьы пусйиз промышленностья но вузкаронъя министрлэн воштӥсез Оксана Чепурина, Удмуртиысь бадӟым люкетэз вузкарон огазеяськонъёс сиён-юонъёслы дунъёсты огсыр возёнъя тупанкылэз быдэсъяло. Куронъёсты ӵемысьгес тӥяло нимаз ужась пичи вузкаронниос. Оксана Чепуриналэн верамезъя, таӵе учыръёсы эскерисьёсын нуиськись валэктон уж пайдалыксэ возьматэ.
Кенешонэ пыриськисьёс 2021 арлы ужпумъёсты пусйизы. Ӵектэмын вал Удмуртиын поттэм вузъёсты азинтонлы, котыр инкуазьлы кышкытлык кылдытӥсь упаковкаез, пластикез но полиэтиленэз ӧжытгес кутонлы, кудӟытӥсьсэ катэз тӥяса вузанэн нюръяськонлы, эскерон уже тросгес волонтёръёсты кысконлы бадӟымгес саклык висъяны.
Владимир Варламов тодэ вайытӥз, Удмуртиын «Народный контроль» ӵектос 2010 арысен быдэсъяське шуыса. Со адямиослэсь вузъёслэн но юрттӥськетъёслэн ӟечлыксы, вуз поттон удысъя политика сярысь тодон-валанъёссэс ӝутон понна чакламын.
Эскерон уже мерлыко огазеяськонъёсысь, ужасьёслэн кенешъёсысьтызы, тӧрлык ёзъёсысь сюлэсь ятыр мылкыд карисьёс пырисько.
2020 арын ӵектослэн азьветлӥсьёсыз вузкарон но юрттӥськетъёс сётон удысын эскеронъёс нуизы. Озьы тамак луисьтэм никотино суретъёсын вузкаронэз дугдытэм бере, 19 вузкарон интыосын та катлэсь быдэсъяськемзэ эскеризы. 3-аз куронъёсты тӥян учыръёс шараямын. Кальянъёсты, вейпъёсты но электрон сигаретъёсты калыко интыосын кысконэз дугдытӥсь федерал кат ужаны кутскем бере, «калык контролёръёс» ёросъёсысь но каръёсысь 145 заведениосты чаклазы. Куронъёсты тӥян 12-аз пусъемын. Котькуд учыръя административной кылкутон сярысь протокол гожтэмын.
Нимысьтыз саклык висъяськиз гуртын улӥсьёслы вылӥ ӝоглыко интернет но герӟет вуттонэз эскеронлы. Эскерон улэ сюрем 588 гуртъёс пӧлысь 45-аз герӟет ӧй вал, 91-аз – Интернет. Ивортон элькунысь информатизацияя но герӟетъя Министерствое келямын.
2020 арын кунамы но элькунын улӥсьёс понна лэчыт луиз эмъюмъёслы но тужгес кулэ луись вузъёслы дунъёслэн будэмзы. Коньывуонысен толсурозь «калык контролёръёс» ёросъёсысь но каръёсысь аптекаосты, вузкаронниосты эскерыса возизы. Та ужлэн кулэлыкез али но вань. Кызьы пусйиз промышленностья но вузкаронъя министрлэн воштӥсез Оксана Чепурина, Удмуртиысь бадӟым люкетэз вузкарон огазеяськонъёс сиён-юонъёслы дунъёсты огсыр возёнъя тупанкылэз быдэсъяло. Куронъёсты ӵемысьгес тӥяло нимаз ужась пичи вузкаронниос. Оксана Чепуриналэн верамезъя, таӵе учыръёсы эскерисьёсын нуиськись валэктон уж пайдалыксэ возьматэ.
Кенешонэ пыриськисьёс 2021 арлы ужпумъёсты пусйизы. Ӵектэмын вал Удмуртиын поттэм вузъёсты азинтонлы, котыр инкуазьлы кышкытлык кылдытӥсь упаковкаез, пластикез но полиэтиленэз ӧжытгес кутонлы, кудӟытӥсьсэ катэз тӥяса вузанэн нюръяськонлы, эскерон уже тросгес волонтёръёсты кысконлы бадӟымгес саклык висъяны.