Вавож ёросын сӥё-дано усьтӥськизы 27-тӥ элькун тол гурт спорт шудонъёс
25.02.2021
Туннэ Вавож черкогуртын усьтӥськизы 27-тӥ элькун тол гурт спорт шудонъёс. Туэ соос Гуртлэн Арез улсын радъясько.
Шудонъёсты усьтон сӥё-дано ужрадэ пыриськизы Удмуртилэн Тӧроез Александр Бречалов, Кун Кенешлэн Тӧроез Владимир Невоструев, Россилэн Кун Думаысьтыз но Удмуртилэн Кун Кенешысьтыз депутатъёс, Элькун Кивалтэтлэн ёзчиосыз, Вавож ёросын улӥсьёс но лыктэм куноос.
Владимир Невоструев пусйиз, Гурт шудонъёс ӟеч сямлы пӧрмем гинэ ӧвӧл, шаермылэн аспӧртэм тодмепусэз луизы ини шуыса. «Та ӵошатсконъёс – гуртын улӥсьёс понна зэмос праздник», - шуиз элькун парламентлэн кивалтӥсез.
Вавож ёросэ шудонъёсы Удмуртилэн 25 муниципал огазеяськонъёсысьтыз 1000-лэсь ятыр спортсменъёс вуизы. Нюръяськон мыноз спортлэн 9 амалъёсызъя.
Ӵошатсконъёс радъяськозы ёросысь куинь гуртъёслэн интывылъёсазы: Водзимонья гуртысь культурая но тазалыкез юнматонъя центрын – баскетболъя матчъёс, Нюрдор-Котья гуртысь «Жемчужина Удмуртии» огъетын – куасэн бызьылонъёс. Вавожын кужымзэс мерталозы спорт семьяос, полиатлонистъёс, хоккеистъёс, шахматэн но шашкиен шудӥсьёс, асьсэ амалъёссыя ӵощатскозы ёрос тӧроос.
Шудонъёсын асьсэды тужгес усто возьматэм спортсменъёслэн огазеям командазы элькунлэсь данзэ Росси тол гурт шудонъёсын утёз. Соос Пермьын 16-сен 20 южтолэзёзь ортчозы.
Шудонъёсты усьтон сӥё-дано ужрадэ пыриськизы Удмуртилэн Тӧроез Александр Бречалов, Кун Кенешлэн Тӧроез Владимир Невоструев, Россилэн Кун Думаысьтыз но Удмуртилэн Кун Кенешысьтыз депутатъёс, Элькун Кивалтэтлэн ёзчиосыз, Вавож ёросын улӥсьёс но лыктэм куноос.
Владимир Невоструев пусйиз, Гурт шудонъёс ӟеч сямлы пӧрмем гинэ ӧвӧл, шаермылэн аспӧртэм тодмепусэз луизы ини шуыса. «Та ӵошатсконъёс – гуртын улӥсьёс понна зэмос праздник», - шуиз элькун парламентлэн кивалтӥсез.
Вавож ёросэ шудонъёсы Удмуртилэн 25 муниципал огазеяськонъёсысьтыз 1000-лэсь ятыр спортсменъёс вуизы. Нюръяськон мыноз спортлэн 9 амалъёсызъя.
Ӵошатсконъёс радъяськозы ёросысь куинь гуртъёслэн интывылъёсазы: Водзимонья гуртысь культурая но тазалыкез юнматонъя центрын – баскетболъя матчъёс, Нюрдор-Котья гуртысь «Жемчужина Удмуртии» огъетын – куасэн бызьылонъёс. Вавожын кужымзэс мерталозы спорт семьяос, полиатлонистъёс, хоккеистъёс, шахматэн но шашкиен шудӥсьёс, асьсэ амалъёссыя ӵощатскозы ёрос тӧроос.
Шудонъёсын асьсэды тужгес усто возьматэм спортсменъёслэн огазеям командазы элькунлэсь данзэ Росси тол гурт шудонъёсын утёз. Соос Пермьын 16-сен 20 южтолэзёзь ортчозы.