Кун Кенешын егитъёсын ужан политикалэсь Удмуртиын быдэсъяськемзэ эскеризы
10.02.2021Туннэ Кун Кенешлэн Тӧроез Владимир Невоструев егитъёсын ужан политикалэсь быдэсъяськемзэ эскерон ужпумъёслы сӥзем кенешон ортчытӥз. Вераськон видеоконференция амалэн мынӥз. Ивортон лэсьтӥз Элькунысь физкультурая, спортъя но егитъёсын ужан политикая министр Александр Варшавский.
Александр Варшавский умоен пусйиз 2020 арын егитъёсын ужан политика сярысь федерал катлэсь ужаны кутскемзэ. Туннэ элькунмылэсь катсэ соя тупатъян уж мынэ.
Выль законэн егитъёсын ужась ӧнерчиос азе пуктӥськись куронъёс пусъемын. Соослы тупан понна, кылем арын шаерысьтымы 110 ӧнерчиос дышетскон пыр потӥзы. Егитъёсын ужан удысын тыршисьёслы уждун тыронъя Положение юнматэмын.
Министрлэн верамезъя, туннэ Удмурт Элькунын 14-сен 35 аресозь 400 сюрслэсь ятыр адями лыдъяське. Соос понна кык кун ужъюрт кылдытэмын - «Молодёжный центр Удмуртской Республики» но «Психолог - плюс». Со сяна, нылпиос но егитъёс понна 27 муниципал учреждениос ужало. Кылем арын элькунысьтымы егитъёс 14 огъя росси но калыккуспо форумъёсы пыриськизы. Ӵектосъёсын 38,5 млн. манет тыр грантъёс утэмын. Та уж туэ но азьланьтэмын луоз. Физкультурая, спортъя но егитъёсын ужан политикая Министерство проектъёсын ужась егитъёслы котыр ласянь юрттоз, оскытӥз кивалтӥсь.
Бадӟым саклык висъяське атыкай музъемлы гажан мылкыд пыӵатон ужлы. Шаерамы та дыре 208 кадет классъёс, 156 музейёс, поисковикъёслэн 15 отрядъёссы, патриотизмъя клубъёс ужало. Муниципал огазеяськонъёсын азинтӥське юнармеецъёслэн движенизы. Солэн 89 отрядъёсаз 6,5 сюрслэсь ятыр егитъёс пыро. Ар ӵоже 50-лэсь трос росси но элькун акциос радъяськизы. Ваньзэ-ӧвӧлзэ 2020 арын 900-лэсь трос ужрадъёс ортчытэмын. Отчы 150 сюрслэсь ятыр адями пыриськиз.
Кылдытэмын добровольчестволы юрттонъя ресурс центр. Волонтёр уже пыриськись егитъёслэн лыдзы 15 сюрслэсь ортчиз. 2021 арлы быдэс шаерамы добровольчествоя центръёслэсь сӧзнэтсэс кылдытыны ужпум пуктэмын.
Егитъёсын ужан политикалэн эшшо одӥгез бадӟым ӧрез – мерлыко огазеяськонъёсты азинтон. Али Министерстволэн реестраз нылпиослэн но егитъёслэн 24 мерлыко огазеяськонъёссы пусъемын. Отчы 57 сюрслэсь трос адями пыре. Ужзэс нуон понна пӧртэм конкурсъёсъя соос 6,9 млн. манет тыр субсидиос басьтӥзы. Каникулъёс дыръя 104 удыслыко смена ортчытэмын. Отчы 6463 пинал пыриськиз. Быдэстэмын огдырлы уже интыянъя 118 программа. Соосъя 1099 быдэ вуымтэос уже интыяськылӥзы.
Министерство наркотикъёсты вузанэн нюръяськонъя но йыружъёсты алонъя программаосты быдэсъясь ёзъёс пӧлы пыртэмын. Соос улсын «Призывник» лагерь смена ортчытэмын. Ужа пиналъёслы но егитъёслы психологи юрттэт сётонъя оскон телефон.
Депутатъёс Александр Варшавскийлы асьсэлэсь юанъёссэс сётъязы. «Егитъёсын ужан политика – туннэ нунал понна одӥгез тужгес кулэез удыс. Соин ик та ужпумез элькун парламентлэн Президиумезлэн кенешоназ эскером на» - шуиз Кун Кенешлэн Тӧроез Владимир Невоструев.
Александр Варшавский умоен пусйиз 2020 арын егитъёсын ужан политика сярысь федерал катлэсь ужаны кутскемзэ. Туннэ элькунмылэсь катсэ соя тупатъян уж мынэ.
Выль законэн егитъёсын ужась ӧнерчиос азе пуктӥськись куронъёс пусъемын. Соослы тупан понна, кылем арын шаерысьтымы 110 ӧнерчиос дышетскон пыр потӥзы. Егитъёсын ужан удысын тыршисьёслы уждун тыронъя Положение юнматэмын.
Министрлэн верамезъя, туннэ Удмурт Элькунын 14-сен 35 аресозь 400 сюрслэсь ятыр адями лыдъяське. Соос понна кык кун ужъюрт кылдытэмын - «Молодёжный центр Удмуртской Республики» но «Психолог - плюс». Со сяна, нылпиос но егитъёс понна 27 муниципал учреждениос ужало. Кылем арын элькунысьтымы егитъёс 14 огъя росси но калыккуспо форумъёсы пыриськизы. Ӵектосъёсын 38,5 млн. манет тыр грантъёс утэмын. Та уж туэ но азьланьтэмын луоз. Физкультурая, спортъя но егитъёсын ужан политикая Министерство проектъёсын ужась егитъёслы котыр ласянь юрттоз, оскытӥз кивалтӥсь.
Бадӟым саклык висъяське атыкай музъемлы гажан мылкыд пыӵатон ужлы. Шаерамы та дыре 208 кадет классъёс, 156 музейёс, поисковикъёслэн 15 отрядъёссы, патриотизмъя клубъёс ужало. Муниципал огазеяськонъёсын азинтӥське юнармеецъёслэн движенизы. Солэн 89 отрядъёсаз 6,5 сюрслэсь ятыр егитъёс пыро. Ар ӵоже 50-лэсь трос росси но элькун акциос радъяськизы. Ваньзэ-ӧвӧлзэ 2020 арын 900-лэсь трос ужрадъёс ортчытэмын. Отчы 150 сюрслэсь ятыр адями пыриськиз.
Кылдытэмын добровольчестволы юрттонъя ресурс центр. Волонтёр уже пыриськись егитъёслэн лыдзы 15 сюрслэсь ортчиз. 2021 арлы быдэс шаерамы добровольчествоя центръёслэсь сӧзнэтсэс кылдытыны ужпум пуктэмын.
Егитъёсын ужан политикалэн эшшо одӥгез бадӟым ӧрез – мерлыко огазеяськонъёсты азинтон. Али Министерстволэн реестраз нылпиослэн но егитъёслэн 24 мерлыко огазеяськонъёссы пусъемын. Отчы 57 сюрслэсь трос адями пыре. Ужзэс нуон понна пӧртэм конкурсъёсъя соос 6,9 млн. манет тыр субсидиос басьтӥзы. Каникулъёс дыръя 104 удыслыко смена ортчытэмын. Отчы 6463 пинал пыриськиз. Быдэстэмын огдырлы уже интыянъя 118 программа. Соосъя 1099 быдэ вуымтэос уже интыяськылӥзы.
Министерство наркотикъёсты вузанэн нюръяськонъя но йыружъёсты алонъя программаосты быдэсъясь ёзъёс пӧлы пыртэмын. Соос улсын «Призывник» лагерь смена ортчытэмын. Ужа пиналъёслы но егитъёслы психологи юрттэт сётонъя оскон телефон.
Депутатъёс Александр Варшавскийлы асьсэлэсь юанъёссэс сётъязы. «Егитъёсын ужан политика – туннэ нунал понна одӥгез тужгес кулэез удыс. Соин ик та ужпумез элькун парламентлэн Президиумезлэн кенешоназ эскером на» - шуиз Кун Кенешлэн Тӧроез Владимир Невоструев.