Кун Кенешын ваньбурен но музъемен кузёяськон ужпумъёсты эскеризы
27.01.2021Туннэ Кун Кенешлэн Тӧроез Владимир Невоструев онлайн амалэн парламентлэн Президиумезлэн ёзчиосыныз кенешон ортчытӥз. Депутатъёс кун но муниципал ваньбурен но музъемен кузёяськон ужпумъёсты эскеризы.
Кызьы вераз элькунысь ваньбур кусыпъёсъя министр Анна Боталова, 2021 арын Удмуртиын ваньбурез кун ласянь пусъён сӧзнэт ужаны кутскиз. Табере кун но муниципал ваньбур одиг базае пыртӥське. Отын вань музъем кесэгъёс но лэсьтӥськемъёс сярысь ивортонъёс люкамын. Со кун но муниципал ваньбурез кутэмлэсь табышез огазеям бюджетын пусйыны, солэсь пайдалыксэ чакласа возьыны луонлык сётэ.
Берло аръёсы шаерысьтымы 30 муниципал огазеяськонъёсын 2755 уже кутӥськисьтэм объектъёс шараямын. 1507-зэ соосты, элькун парламентысь депутатъёслэсь мылкыдзэс юаса, яке вузазы, яке муниципалитетъёслэн асъетазы сётӥзы, яке ярантэмен лыдъязы. Озьы кылем ар ӵоже элькунлэн огазеям коньдэтаз 333,5 миллион табыш вуиз. 43,4 миллион манет басьтэмын на объектъёсты арендае сётыса. Уже кутӥськисьтэм юртъёсты возён вылын 91,6 миллион манет коньдон шыръямын.
Кадастр учётэ 2020 арын 4 сюрслэсь ятыр объектъёс пуктэмын. Туэ эшшо 2498 объектэз пусйыны чакламын.
Удмуртиын та дыре юртъёслы но музъемъёслы кадастр дун пуктон уж нуиське. Талэсь азьвыл сыӵе ужрад 2009, 2011 но 2015 аръёсы ортчытъямын вал. 2021 арлы выт тыронлы выль инъет кылдытыны ужпум пуктэмын.
Та дырлы выльдэм базаын 1 миллион 712 сюрс 972 объект пусъемын. 400 сюрс пала объектъёслэн кадастр дунзы пуктымтэ на. Министрлэн верамезъя, кадастр дунэз кузёлэн вазиськемезъя воштыны но луэ. 2020 арын сыӵе луонлыксэс 600 ужбергатӥсьёс но нимаз адямиос кутӥзы. 80-эзлэн куронзы быдэстэмын, кадастр дун пуктонъя янгышъёс тупатэмын.
2020 арын, пандемиен сэрен, нимаз муртъёслы но ужбергатӥсьёслы тыриськонъёсъя капчиятонъёс тупатэмын вал. Соин валче музъем но юртъёс понна аренда тыронлэсь мозмытон сярысь 704 огкыл гожтэмын.
Федерал ваньбурен кивалтон ужпумъёс сярысь депутатъёс вераськизы Кун ваньбурен кивалтонъя Федерал Агентстволэн Удмурт Элькунъя но Киров улосвылъя управлениезлэн кивалтӥсеныз Ирина Горьковаен. Со ивортӥз, Удмуртиысь 97 процентэз федерал ваньбур со – нюлэс фондысь музъемъёс, нимысьтыз утьыса возёно интывылъёс, гыроно-кизёно музъемъёс, гуртъёслэн но каръёслэн, промышленностьлэн но транспортлэн музъемъёссы. Федерал ваньбурен кивалтон азьын сылӥсь валтӥсь ужпумъёс – ваньбурез чаклан, сое пайдатэк яке мукет мугъёслы кутонэз алон.
Кенешонын депутатъёс асьсэлэсь ӵектонъёссэс веразы. Кылсярысь, бушам юртъёсты но интыосты мерлыко ужпумъёсты быдэсъянэ кыскыны, куд-ог ваньбурез уже кутонэз капчиятыны.
Кызьы вераз элькунысь ваньбур кусыпъёсъя министр Анна Боталова, 2021 арын Удмуртиын ваньбурез кун ласянь пусъён сӧзнэт ужаны кутскиз. Табере кун но муниципал ваньбур одиг базае пыртӥське. Отын вань музъем кесэгъёс но лэсьтӥськемъёс сярысь ивортонъёс люкамын. Со кун но муниципал ваньбурез кутэмлэсь табышез огазеям бюджетын пусйыны, солэсь пайдалыксэ чакласа возьыны луонлык сётэ.
Берло аръёсы шаерысьтымы 30 муниципал огазеяськонъёсын 2755 уже кутӥськисьтэм объектъёс шараямын. 1507-зэ соосты, элькун парламентысь депутатъёслэсь мылкыдзэс юаса, яке вузазы, яке муниципалитетъёслэн асъетазы сётӥзы, яке ярантэмен лыдъязы. Озьы кылем ар ӵоже элькунлэн огазеям коньдэтаз 333,5 миллион табыш вуиз. 43,4 миллион манет басьтэмын на объектъёсты арендае сётыса. Уже кутӥськисьтэм юртъёсты возён вылын 91,6 миллион манет коньдон шыръямын.
Кадастр учётэ 2020 арын 4 сюрслэсь ятыр объектъёс пуктэмын. Туэ эшшо 2498 объектэз пусйыны чакламын.
Удмуртиын та дыре юртъёслы но музъемъёслы кадастр дун пуктон уж нуиське. Талэсь азьвыл сыӵе ужрад 2009, 2011 но 2015 аръёсы ортчытъямын вал. 2021 арлы выт тыронлы выль инъет кылдытыны ужпум пуктэмын.
Та дырлы выльдэм базаын 1 миллион 712 сюрс 972 объект пусъемын. 400 сюрс пала объектъёслэн кадастр дунзы пуктымтэ на. Министрлэн верамезъя, кадастр дунэз кузёлэн вазиськемезъя воштыны но луэ. 2020 арын сыӵе луонлыксэс 600 ужбергатӥсьёс но нимаз адямиос кутӥзы. 80-эзлэн куронзы быдэстэмын, кадастр дун пуктонъя янгышъёс тупатэмын.
2020 арын, пандемиен сэрен, нимаз муртъёслы но ужбергатӥсьёслы тыриськонъёсъя капчиятонъёс тупатэмын вал. Соин валче музъем но юртъёс понна аренда тыронлэсь мозмытон сярысь 704 огкыл гожтэмын.
Федерал ваньбурен кивалтон ужпумъёс сярысь депутатъёс вераськизы Кун ваньбурен кивалтонъя Федерал Агентстволэн Удмурт Элькунъя но Киров улосвылъя управлениезлэн кивалтӥсеныз Ирина Горьковаен. Со ивортӥз, Удмуртиысь 97 процентэз федерал ваньбур со – нюлэс фондысь музъемъёс, нимысьтыз утьыса возёно интывылъёс, гыроно-кизёно музъемъёс, гуртъёслэн но каръёслэн, промышленностьлэн но транспортлэн музъемъёссы. Федерал ваньбурен кивалтон азьын сылӥсь валтӥсь ужпумъёс – ваньбурез чаклан, сое пайдатэк яке мукет мугъёслы кутонэз алон.
Кенешонын депутатъёс асьсэлэсь ӵектонъёссэс веразы. Кылсярысь, бушам юртъёсты но интыосты мерлыко ужпумъёсты быдэсъянэ кыскыны, куд-ог ваньбурез уже кутонэз капчиятыны.