Владимир Невоструев: Вакцинация – черъёслэсь утиськон ӟеч амал
27.01.2021
Кун Кенешлэн Тӧроез Владимир Невоструев но парламентлэн нырысетӥ вице-спикерез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова Ижкарысь 4 номеро эмъяськонниын COVID-19-лы пумит вакцинацилэсь кызьы мынэмзэ эскеризы. Соос асьсэлы но коронавирус инфекцилы пумит вакцина пуктытӥзы. Вакцинациез озьы ик ортчиз Кун Кенешысь депутат Александр Коробейников.
Эмъяськоннилэн кивалтӥсез Ирина Кунгурова верамъя, 4№ поликлиникаын вакцинация 2020 арын толсуре кутскиз. Туннэ нуналлы черодын 188 адями. Элькунысь тазалыкез утёнъя министрлэн воштӥсез Мария Галеева будэтӥз, Удмуртие та дырлы 5400 доза «Спутник V» вакцина вуэмын. Толэзь пумозь эшшо 25 сюрс доза, тулыспал толэзе – 40 сюрс доза возьмало. Нырысетӥ прививка 4495 адямилы, кыкетӥез – 750 муртлы пуктэмын. Вакцина пуктэм муртъёс пӧлын шуге-леке вуон учыръёс пусъемын ӧвӧл.
Кун Кенешлэн Тӧроез Владимир Невоструев оске, COVID-19-лы пумит Россиын кылдытэм вакцина тужгес оскымонэз шуыса. Азьланяз коронавирус инфекцилы пумит вакцинация Кун Кенешысь депутатъёс пӧлын но радъялом, ивортӥз со. «Али мылкыд карисьёс трос, вакцина тырмыт ӧвӧл на. Соин ик нырысь со мед сюроз дышетӥсьёслы но эмчиослы», - шуиз Владимир Невоструев.
Кун Кенешлэн Тӧроезлэн Нырысетӥ воштӥсез Надежда Михайлова пусйиз, эмчи сямен, со котьку дэмла прививкаосты пуктылыны. Та ужрад зэмзэ но паласькись черъёслэсь уте, шуэ со.
Тодады вайытом, COVID-19-лы пумит вакцина пуктӥське дунтэк но адямилэн мылкыд каремезъя. Али прививка басьтыны луэ кык амалэн. Нырысетӥез – куке мылкыд карисьёслэсь списокъёссэс предприятиосын дасяло но соосты вакцинопрофилактикая Центре келяло. Озьы вакцинация мынэ эмчиос, мерлыко ужасьёс но калыкен тыршись мукет ӧнерчиос пӧлын. Мукетыз амал – куке адями ачиз мылкыдыз сярысь ивортэ яке Госуслуги портал пыр, яке колл-центре 8 800 100 24 47 номеръя жингыртыса, яке аслаз поликлиникаяз вазиськыса.
1 тулыспалысен вакцинация ортчытон нуналъёсты йылэтыны чакламын. Огазеяськыса лыктӥсь группаослы вирнуналъёсы но удмурт арняосы, нимаз гожтӥськемъёслы – пуксёнъёсы, покчи арняосы но кӧснуналъёсы прививка пуктылозы.
Эмъяськоннилэн кивалтӥсез Ирина Кунгурова верамъя, 4№ поликлиникаын вакцинация 2020 арын толсуре кутскиз. Туннэ нуналлы черодын 188 адями. Элькунысь тазалыкез утёнъя министрлэн воштӥсез Мария Галеева будэтӥз, Удмуртие та дырлы 5400 доза «Спутник V» вакцина вуэмын. Толэзь пумозь эшшо 25 сюрс доза, тулыспал толэзе – 40 сюрс доза возьмало. Нырысетӥ прививка 4495 адямилы, кыкетӥез – 750 муртлы пуктэмын. Вакцина пуктэм муртъёс пӧлын шуге-леке вуон учыръёс пусъемын ӧвӧл.
Кун Кенешлэн Тӧроез Владимир Невоструев оске, COVID-19-лы пумит Россиын кылдытэм вакцина тужгес оскымонэз шуыса. Азьланяз коронавирус инфекцилы пумит вакцинация Кун Кенешысь депутатъёс пӧлын но радъялом, ивортӥз со. «Али мылкыд карисьёс трос, вакцина тырмыт ӧвӧл на. Соин ик нырысь со мед сюроз дышетӥсьёслы но эмчиослы», - шуиз Владимир Невоструев.
Кун Кенешлэн Тӧроезлэн Нырысетӥ воштӥсез Надежда Михайлова пусйиз, эмчи сямен, со котьку дэмла прививкаосты пуктылыны. Та ужрад зэмзэ но паласькись черъёслэсь уте, шуэ со.
Тодады вайытом, COVID-19-лы пумит вакцина пуктӥське дунтэк но адямилэн мылкыд каремезъя. Али прививка басьтыны луэ кык амалэн. Нырысетӥез – куке мылкыд карисьёслэсь списокъёссэс предприятиосын дасяло но соосты вакцинопрофилактикая Центре келяло. Озьы вакцинация мынэ эмчиос, мерлыко ужасьёс но калыкен тыршись мукет ӧнерчиос пӧлын. Мукетыз амал – куке адями ачиз мылкыдыз сярысь ивортэ яке Госуслуги портал пыр, яке колл-центре 8 800 100 24 47 номеръя жингыртыса, яке аслаз поликлиникаяз вазиськыса.
1 тулыспалысен вакцинация ортчытон нуналъёсты йылэтыны чакламын. Огазеяськыса лыктӥсь группаослы вирнуналъёсы но удмурт арняосы, нимаз гожтӥськемъёслы – пуксёнъёсы, покчи арняосы но кӧснуналъёсы прививка пуктылозы.