Кун Кенешысь депутат Анатолий Хохряков Удмурт Элькунлэн Тӧроезлэсь «Добрые дела» премизэ басьтӥз

Туннэ Удмуртиын муниципал кылдытэтъёслэн арлы быдэ радъяськись «Делай добро» форумзы ортчиз. Ужрад дистанционной амалэн мынӥз.
Форумлэн ужаз Кун Кенешлэн Тӧроез Владимир Невоструев, Элькун Кивалтэтлэн Тӧроезлэн Нырысетӥ воштӥсез Константин Сунцов, Тӧролэн но Кивалтэтлэн Администрацизылэн кивалтӥсез Сергей Смирнов, Элькун Кивалтэтлэн Тӧроезлэн воштӥсез – гурт возёсъя министр Ольга Абрамова, йӧскалык политикая министр Лариса Буранова но мукет кивалтӥсьёс пыриськизы. Вань мылкыд карисьёс форумлэн ужезлэсь мынэмзэ мерлыко вотэсъёс пыр чакланы быгатӥзы.
Пумиськон дыръя тужгес яркыт ӵектосъёслэн кичӧлтӥсьёссылы Удмурт Элькунлэн Тӧроезлэн «Добрые дела» премиез сётэмын. «Социально ответственный бизнес» номинациын вормисе потӥз Кун Кенешлэн депутатэз, «Восход» акционер огазеяськонлэн тӧроез Анатолий Хохряков. Солэн кивалтэмез улсын возёс 23 ар ӵоже ини Шаркан ёросын спорт ужрадъёсты ортчытъяны но котырез тупатъянъя проектъёсты быдэсъяны юрттӥське.
Форум дыръя Ольга Абрамова Удмуртиын гуртлэсь Арзэ ортчытонлэн валтӥсь ужпумъёсыз сярысь вераз. Со бере онлайн-форматэн муниципал кылдытэтъёслэн XVI Съездзы ортчиз.