Кун Кенешлэн Тӧроез куректэмзэ вераз Михаил Шишкин улонысь кошкемен валче
22.01.2021
Кун Кенешлэн Тӧроез Владимир Невоструев тодмо тодосчилэн, мерлыко ужасьлэн, Удмурт АССР-ысь Вылӥ Кенешлэн ньыль ӧтчамъёсызлэн но Кун Кенешлэн нырысетӥ ӧтчамезлэн депутатсылэн Михаил Шишкинлэн ӵыжы-выжыосызлы но матысь адямиосызлы куректэмзэ вераз. 21 толшоре, 79 аресаз мыныкуз, тодосчи улонысь кошкиз.
Михаил Шишкинлэн ужан сюресэз герӟаськемын гурт возёсэн, кун но тодос удысъёсын. Со ужаз райисполкомлэн кивалтӥсез, партилэн райкомезлэн секретарез, элькунысь Госпланлэн тӧроез, КПСС-лэн улосвыл комитетэзлэн секретарез луыса.
Бырйиськылӥз РСФСР-лэн Вылӥ Кенешаз, Удмурт АССР-лэн Вылӥ Кенешезлэн ньыль ӧтчамъёсаз, Удмурт Элькунысь Кун Кенешлэн нырысетӥ ӧтчамаз депутатэ. Укмыстонэтӥ аръёсы Кун Кенешлэн Эскеронъя палатаеныз кивалтӥз.
Михаил Шишкин Ижкарысь гурт возёсъя кун академиысь гурт возёслэн экономикаезъя кафедраен кивалтӥз, собере наукаосъя академилэн Удмурт ёзэзлэн философия но правоя институтэзлэн кивалтӥсез луыса ужаз.
Бырйиськылӥз Вань удмуртъёслэн «Удмурт кенеш» ассоциацизылы Тӧрое, Удмуртиысь экономистъёслэн Союззылэн президентэз, мукет мерлыко огазеяськонъёслэн кивалтӥсьсы вал.
Михаил Шишкин 150-лэсь трос тодос ужъёссэ поттӥз, соос пӧлын – 15 монография, 16 книга, 10-лэсь ятыр дышетон пособиос но 10 брошюра. Со – Удмурт Элькунысь наукаосъя дано ужась, Росси Федерациысь дано экономист. Ужамез пӧртэм вылӥ данъетъёсын пусъемын.
Михаил Шишкинлэн ужан сюресэз герӟаськемын гурт возёсэн, кун но тодос удысъёсын. Со ужаз райисполкомлэн кивалтӥсез, партилэн райкомезлэн секретарез, элькунысь Госпланлэн тӧроез, КПСС-лэн улосвыл комитетэзлэн секретарез луыса.
Бырйиськылӥз РСФСР-лэн Вылӥ Кенешаз, Удмурт АССР-лэн Вылӥ Кенешезлэн ньыль ӧтчамъёсаз, Удмурт Элькунысь Кун Кенешлэн нырысетӥ ӧтчамаз депутатэ. Укмыстонэтӥ аръёсы Кун Кенешлэн Эскеронъя палатаеныз кивалтӥз.
Михаил Шишкин Ижкарысь гурт возёсъя кун академиысь гурт возёслэн экономикаезъя кафедраен кивалтӥз, собере наукаосъя академилэн Удмурт ёзэзлэн философия но правоя институтэзлэн кивалтӥсез луыса ужаз.
Бырйиськылӥз Вань удмуртъёслэн «Удмурт кенеш» ассоциацизылы Тӧрое, Удмуртиысь экономистъёслэн Союззылэн президентэз, мукет мерлыко огазеяськонъёслэн кивалтӥсьсы вал.
Михаил Шишкин 150-лэсь трос тодос ужъёссэ поттӥз, соос пӧлын – 15 монография, 16 книга, 10-лэсь ятыр дышетон пособиос но 10 брошюра. Со – Удмурт Элькунысь наукаосъя дано ужась, Росси Федерациысь дано экономист. Ужамез пӧртэм вылӥ данъетъёсын пусъемын.