Тазалыкез утёнъя, демографи но семья политикая ялан ужась ӧрилэн кенешонэз ортчиз
22.01.2021Кун Кенешлэн Тӧроезлэн Нырысетӥ воштӥсез Надежда Михайлова дистанционной амалэн тазалыкез утёнъя, демографи но семья политикая ялан ужась комиссилэсь кенешонзэ ортчытӥз. Депутатъёс Кизнер ёросэз азинтон ужпумъёсты эскеризы. Нимысьтыз саклык висъяськиз тазалыкез утён удыслы.
Кызьы ивортӥз муниципал кылдытэтлэн Тӧроез Александр Плотников, Кизнер ёрос 25 гурт ёросъёс пӧлысь одӥгез тужгес егитэз. Быдӟалаезъя со 7-тӥ луэ. Ёросэ 14 поселение, 69 гурт пыре. 2020 арлэн кутсконэзлы ёросын 17 197 улӥсь пусъемын. 3 сюрс пала семьяосын 4 655 нылпи будэто. Йылэ трос нылпиё семьяослэн лыдзы, 400-лэсь тросэз соос катрадлыкен чаклам мерлыко юрттэт басьто.
Экономикалэн валтӥсь удысэз – гурт возёс. 2020 арлэн 9 толэзьёсыз ӵоже ёросын уждунлэн быдӟалаез 4 процентлы, пенсия – 6 процентлы йылӥзы.
Кизнер ёросысь школаосын 2317 дышетскись тодон-валан басьтэ. Нылпи садъёсы 1081 пинал ветлэ. Йӧскалык проектъёс улсын Кизнер посёлокын 80 интылы ясли-сад лэсьтӥське. 1№ школаын «Точка роста» центр усьтэмын. 2021 арын В.П.Капашин генерал-полковниклэсь нимзэ нуллӥсь 2№ школаын таӵе центр усьтыны чакламын.
Александр Плотников бадӟымгес саклык висъяз тазалыкез утён удысэз азинтон ужпумъёслы. Солэн верамезъя, Кизнер ёросын интыяськем эм реабилитацияя Элькун эмъяськонниын арлы быдэ 4000-лэсь ятыр адями йӧнатӥське.
«Тазалыкез утён» йӧскалык проект улсын Кибья но Крымская Слудка гуртъёсын ФАП-ёс лэсьтӥсько. Ёросын «Земский фельдшер» но «Земский доктор» программаос быдэсъясько. Озьы ке но, эмужасьёслы кулэяськон бадӟым.
Калыклы эмъюрттэт сётон ужлэн мынэмез сярысь депутатъёслы вераз Кизнер ёрос эмъяськоннилэн валтӥсь врачез Александр Гайнцев. Эмъяськонние 1 амбулатория, 24 фельдшер-акушер пункт пыре. Поликлиника уй-нунал ӵоже 425 адямиез эскерыны чакламын. Стационарын уен-нуналэн ужась 64 но нуназелы чаклам 40 койка лыдъяське.
Кизнер ёрос эмъяськонниын 38 врач но 143 шоръёзо ӧнерчиос ужало. Котькуд 10 000 улӥсьлы лыдъяса, со Удмуртиысь ёросъёсъя шоро-куспо лыдпусъёслэсь вылӥынгес.
Ёрос эмъяськоннилэн кивалтӥсез верамъя, калыклэн улонысь кошкон валтӥсь мугъёсыз – сюлэм но сэр, пыктос, шокан но лулсэр висёнъёс. Кулэсмизы ӝуш но сюл висёнъёслэсь, шуккиськыса кулон учыръёс.
Депутатъёс ёросэ эмчиосты кыскыны но юнматыны пыр-поч ужрадъёс дасяны ӵектӥзы. Со понна калыкез уже интыянъя центръёсын валче ужаны, ӧнерчиосты целевой амалэн дасяны, ужась эмчиослы юрттэт сётонэз чакланы дэмлазы. Озьы ик саклык висъяны куризы демографи югдурез умоятон, трос нылпиё семьяослы юрттэт сётон ужпумъёслы.
Кизнер ёросэз экономика но мерлык удысъёсъя азинтон ужпумъёс пыр-поч эскеремын луозы Кун Кенешлэн Президиумаз.
Кызьы ивортӥз муниципал кылдытэтлэн Тӧроез Александр Плотников, Кизнер ёрос 25 гурт ёросъёс пӧлысь одӥгез тужгес егитэз. Быдӟалаезъя со 7-тӥ луэ. Ёросэ 14 поселение, 69 гурт пыре. 2020 арлэн кутсконэзлы ёросын 17 197 улӥсь пусъемын. 3 сюрс пала семьяосын 4 655 нылпи будэто. Йылэ трос нылпиё семьяослэн лыдзы, 400-лэсь тросэз соос катрадлыкен чаклам мерлыко юрттэт басьто.
Экономикалэн валтӥсь удысэз – гурт возёс. 2020 арлэн 9 толэзьёсыз ӵоже ёросын уждунлэн быдӟалаез 4 процентлы, пенсия – 6 процентлы йылӥзы.
Кизнер ёросысь школаосын 2317 дышетскись тодон-валан басьтэ. Нылпи садъёсы 1081 пинал ветлэ. Йӧскалык проектъёс улсын Кизнер посёлокын 80 интылы ясли-сад лэсьтӥське. 1№ школаын «Точка роста» центр усьтэмын. 2021 арын В.П.Капашин генерал-полковниклэсь нимзэ нуллӥсь 2№ школаын таӵе центр усьтыны чакламын.
Александр Плотников бадӟымгес саклык висъяз тазалыкез утён удысэз азинтон ужпумъёслы. Солэн верамезъя, Кизнер ёросын интыяськем эм реабилитацияя Элькун эмъяськонниын арлы быдэ 4000-лэсь ятыр адями йӧнатӥське.
«Тазалыкез утён» йӧскалык проект улсын Кибья но Крымская Слудка гуртъёсын ФАП-ёс лэсьтӥсько. Ёросын «Земский фельдшер» но «Земский доктор» программаос быдэсъясько. Озьы ке но, эмужасьёслы кулэяськон бадӟым.
Калыклы эмъюрттэт сётон ужлэн мынэмез сярысь депутатъёслы вераз Кизнер ёрос эмъяськоннилэн валтӥсь врачез Александр Гайнцев. Эмъяськонние 1 амбулатория, 24 фельдшер-акушер пункт пыре. Поликлиника уй-нунал ӵоже 425 адямиез эскерыны чакламын. Стационарын уен-нуналэн ужась 64 но нуназелы чаклам 40 койка лыдъяське.
Кизнер ёрос эмъяськонниын 38 врач но 143 шоръёзо ӧнерчиос ужало. Котькуд 10 000 улӥсьлы лыдъяса, со Удмуртиысь ёросъёсъя шоро-куспо лыдпусъёслэсь вылӥынгес.
Ёрос эмъяськоннилэн кивалтӥсез верамъя, калыклэн улонысь кошкон валтӥсь мугъёсыз – сюлэм но сэр, пыктос, шокан но лулсэр висёнъёс. Кулэсмизы ӝуш но сюл висёнъёслэсь, шуккиськыса кулон учыръёс.
Депутатъёс ёросэ эмчиосты кыскыны но юнматыны пыр-поч ужрадъёс дасяны ӵектӥзы. Со понна калыкез уже интыянъя центръёсын валче ужаны, ӧнерчиосты целевой амалэн дасяны, ужась эмчиослы юрттэт сётонэз чакланы дэмлазы. Озьы ик саклык висъяны куризы демографи югдурез умоятон, трос нылпиё семьяослы юрттэт сётон ужпумъёслы.
Кизнер ёросэз экономика но мерлык удысъёсъя азинтон ужпумъёс пыр-поч эскеремын луозы Кун Кенешлэн Президиумаз.