Удмуртиез 2030 арозь азинтонъя Стратегилэсь тазалыкез утён удыслы сӥзем ёзэтсэ эскеризы
11.12.2020Туннэ Кун Кенешлэн Тӧроез Владимир Невоструев Элькунэз 2030 арозь азинтонъя Стратегилэсь тазалыкез утён удыслы сӥзем ёзэтсэ кылдытон ужпумъёслы сӥзем кенешон ортчытӥз. Вераськон дистанционной амалэн радъяськиз.
Стратегиын пусъем ужпумъёс сярысь депутатъёслы ивортӥз Элькун Кивалтэтлэн Тӧроезлэн воштӥсезлэсь ужзэ быдэсъясь Эльвира Пинчук. Солэн верамезъя, Стратегилэн тазалыкез утён ёзэтэз азе пуктӥськись одӥгез валтӥсь ужпум - калыклэсь улон арлыдзэ йылэтон. Ужкгазлэсь пайдалыксэ чаклалозы ФАП-ъёсы но амбулаториосы ветлэм гуртоослэн лыдзыя, арлы быдэ эмэскеронъёсты но диспансеризациез ортчем адямиослэн лыдзыя, кулон учыръёслэн лыдзылэн кулэсмемезъя, лек пыктос висёнъёсты вазь шараян учыръёслэн лыдзыя, сюлэм но сэр висёнъёсын йырин кулон учыръёслэн лыдзы кулэсмемъя.
Удыс понна тужгес сюлмаськытӥсь шуыса Эльвира Пинчук пусйиз адямиослэсь ӵем висемзэс, ужаны быгатӥсь муртъёслэсь улонысь кошкемзэс, эмчиослэсь тырмымтэзэс, дунтэк эмъюрттэт сётон удыслы кулэезлэсь ӧжыт коньдон висъямез.
Нырысь-валысь быдэстоно ужрадъёс пӧлы пыртӥз эмъюрттэтлэсь ӟечлыксэ будэтыны луонлыкъёс кылдытонэз. Со понна выль эмъяськонниос лэсьтоно но али ужасьёссэ тупатъяно, тӥрлыкез выльдоно, кыдёкын улӥсь адямиослы эмъюрттэт басьтыны луонлыкъёсты йылэтоно.
Бадӟым саклык висъяно висёнъёсты алон ужпумъёслы. Со понна тазалыко улон сямъёсты вӧлмытоно, тросгес адямиосты вакцинация улэ кысконо, санаторийёсын йӧнатӥськон сӧзнэтэз умоятоно.
Со сяна, Стратегия тазалыкез утён удысын огъя цифровой сӧзнэт кылдытонэз чакла. Со понна ужкагазъёсты электрон амалэн нуыны, телемедицинаез но онлайн-сервисъёсты азинтыны чакламын.
Стратегиын пусъем ужпумъёс сярысь депутатъёслы ивортӥз Элькун Кивалтэтлэн Тӧроезлэн воштӥсезлэсь ужзэ быдэсъясь Эльвира Пинчук. Солэн верамезъя, Стратегилэн тазалыкез утён ёзэтэз азе пуктӥськись одӥгез валтӥсь ужпум - калыклэсь улон арлыдзэ йылэтон. Ужкгазлэсь пайдалыксэ чаклалозы ФАП-ъёсы но амбулаториосы ветлэм гуртоослэн лыдзыя, арлы быдэ эмэскеронъёсты но диспансеризациез ортчем адямиослэн лыдзыя, кулон учыръёслэн лыдзылэн кулэсмемезъя, лек пыктос висёнъёсты вазь шараян учыръёслэн лыдзыя, сюлэм но сэр висёнъёсын йырин кулон учыръёслэн лыдзы кулэсмемъя.
Удыс понна тужгес сюлмаськытӥсь шуыса Эльвира Пинчук пусйиз адямиослэсь ӵем висемзэс, ужаны быгатӥсь муртъёслэсь улонысь кошкемзэс, эмчиослэсь тырмымтэзэс, дунтэк эмъюрттэт сётон удыслы кулэезлэсь ӧжыт коньдон висъямез.
Нырысь-валысь быдэстоно ужрадъёс пӧлы пыртӥз эмъюрттэтлэсь ӟечлыксэ будэтыны луонлыкъёс кылдытонэз. Со понна выль эмъяськонниос лэсьтоно но али ужасьёссэ тупатъяно, тӥрлыкез выльдоно, кыдёкын улӥсь адямиослы эмъюрттэт басьтыны луонлыкъёсты йылэтоно.
Бадӟым саклык висъяно висёнъёсты алон ужпумъёслы. Со понна тазалыко улон сямъёсты вӧлмытоно, тросгес адямиосты вакцинация улэ кысконо, санаторийёсын йӧнатӥськон сӧзнэтэз умоятоно.
Со сяна, Стратегия тазалыкез утён удысын огъя цифровой сӧзнэт кылдытонэз чакла. Со понна ужкагазъёсты электрон амалэн нуыны, телемедицинаез но онлайн-сервисъёсты азинтыны чакламын.