Удмурт Элькунысь Кузебай Герд нимо йӧскалык музей дауръем юбилейзэ пусйиз

Удмурт кун университетлэн лыдӟиськоннияз Кузебай Герд нимо йӧскалык музейлэн дауръем юбилеезлы сӥзем сӥё-дано ужрад ортчиз. Отчы пыриськизы Кун Кенешысь тодосъя, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова, Росси Кун Думаысь депутатъёс Алексей Загребин но Валерий Бузилов, Элькун Кивалтэтлэн Тӧроезлэн воштӥсез Анастасия Муталенко, йӧскалык политикая министр Лариса Буранова, культурая но дышетонъя ужъюртъёслэн кивалтӥсьёссы.
Музейысь ӧнерчиосты ӟечкыласа, Татьяна Ишматова соослы тау каремзэ вераз «Музейёс но музей уж сярысь» катэз дасяны юрттэмзы понна. Туннэ закон пайдалыксэ возьматэ ини. Со сяна, Йӧскалык музейын ужасьёс мыло-кыдо пырисько кунлыкъя урокъёсты но элькун парламентын ортчылӥсь патриотизмъя мукет ужрадъёсты дасянэ.
Кун Кенешлэн Тӧроезлэн Владимир Невоструевлэн нимыныз со Удмуртиысь Йӧскалык музейлэн кивалтӥсезлы Александр Волковлы ӟечкылан гожтэт сётӥз. Музейысь устооссэ ужасьёсты Кун Кенешлэн Данъян грамотаосыныз но Тау каронъёсыныз пусйизы.