Егитъёслэн Кун Кенеш бордын ужась парламентсылэн витетӥ ӧтчамез юнматэмын

Туннэ кызь укмысэтӥ сессилэн нырысетӥ кенешоназ депутатъёс Удмуртиысь Егитъёслэн парламентсылэсь витетӥ ӧтчамзэ юнматӥзы. Отчы 60 адями пыриз: 38 нылъёс но 22 пиос. 30-зэ соосты егитъёслэн муниципал огазеяськонъёсысь парламентъёссы ыстӥзы, 30-эз конкурс пыр бырйиськизы.
Азьвыл аръёсын ӵошатыса, туэ конкурсэ пыриськонъя куронъёс ӧжытак воштэмын вал. Кандидатъёслы дурбасьтӥсьёслэсь кинюртэмъёссэс бичано ӧз луы, но соос Росси Федерацилэсь но Удмурт Элькунлэсь Кункатъёссэс тодэмзэс возьматӥзы. Со сяна, тестэ Удмуртилэн кунлыкезлы 100 но Быдӟым Вормонлэн 75 ар тырмонзылы сӥзем юанъёс пыртэмын вал.
Кандидатъёс конкурс комиссия азьын асьсэлэсь ӵектосъёссэс утизы. 66 мурт пӧлысь тужгес трос балл люкам 30 адями егитъёслэн парламентазы пыртыны дэмламын вал.