Поисковикъёс бырем ожгарчиослэсь ужкагазъёссэс Удмуртиысь ӵыжы-выжыоссылы сётӥзы
08.05.2020
Быдӟым Вормонлэн 75 ар тырмонэз азьын Ижкарысь Ялан ӝуась тыл дорысь скверын Удмуртиысь ожгарчиослэсь фронтысь ужкагазъёссэс ӵыжы-выжыоссылы сётон ужрад ортчиз. «Долг» мерлыко огазеяськонэн радъям пумиськонэ пыриськиз Кун Кенешысь «Единая Россия» фракцилэн кивалтӥсез Елена Дербилова. Ужрад кышкыттэмлыкъя куронъёсты чакласа ортчиз.
Эпидемиологи югдурен сэрен, поисковикъёс туэ экспедициосы ӧз поталэ. Озьы ке но, Быдӟым Атыкай ожын быремъёслэсь нимъёссэс утчан ужзэс ӧз дугдытэ. «Судьба солдата» огъя росси проект улсын Быдӟым Атыкай ожысь кӧня ке ожгарчиослэсь бырем интыоссэс шедьтыны но нимъёссэс шараяны быгатӥзы.
Озьы ивортэк ышемен лыдъясько вал Удмуртиысь Стяжкин Иван Степанович но Бражкин Алексей Семёнович. Стяжкин Иван Степанович Вавож ёросын вордӥськемын. Кызьы шараяськиз, со 1943 арын южтолэзе Ленинградэз понна ожмаськонъёсын бырыны сюрем. Ватэмын Киров ёросысь «Новая Малукса» Мемориалын. Иван Степановичлэсь ужкагазъёссэ ӵыжы-выжыезлы Ипатова Раиса Андреевналы сётӥзы. Со сюлмысьтыз тау кариз поисковикъёслы быдэстэм ужзы понна.
Озьы ик тодыны луиз Бражкин Алексей Семёновичлэн ож сюресэз сярысь. Со Ижкарын вордӥськемын. Ожмаськем 22 армиысь 98 стрелковой дивизиын. Лыдъяське вал ивортэк ышемын шуыса. Поисковикъёс шараяны быгатӥзы, Алексей Семёнович партизанъёс пӧлы сюрем, соосын ӵош ожмаськем на шуыса. Ватэмын Белоруссиысь Могилёв улосвылын. Ужкагазъёссэ нунокезлы Станислав Мещеряковлы сётӥзы.
Кун Кенешлэн Тӧроезлэн Владимир Невоструевлэн, аслаз но вань депутатъёслэн нимынызы Елена Дербилова вань люкаськемъёсты матэктӥсь Вормон нуналэн ӟечкылаз. Со тау каремзэ вераз «Долг» огазеяськонлэн ёзчиосызлы улосчиосмес утчамзы, фракциен валче ужамзы понна.
Эпидемиологи югдурен сэрен, поисковикъёс туэ экспедициосы ӧз поталэ. Озьы ке но, Быдӟым Атыкай ожын быремъёслэсь нимъёссэс утчан ужзэс ӧз дугдытэ. «Судьба солдата» огъя росси проект улсын Быдӟым Атыкай ожысь кӧня ке ожгарчиослэсь бырем интыоссэс шедьтыны но нимъёссэс шараяны быгатӥзы.
Озьы ивортэк ышемен лыдъясько вал Удмуртиысь Стяжкин Иван Степанович но Бражкин Алексей Семёнович. Стяжкин Иван Степанович Вавож ёросын вордӥськемын. Кызьы шараяськиз, со 1943 арын южтолэзе Ленинградэз понна ожмаськонъёсын бырыны сюрем. Ватэмын Киров ёросысь «Новая Малукса» Мемориалын. Иван Степановичлэсь ужкагазъёссэ ӵыжы-выжыезлы Ипатова Раиса Андреевналы сётӥзы. Со сюлмысьтыз тау кариз поисковикъёслы быдэстэм ужзы понна.
Озьы ик тодыны луиз Бражкин Алексей Семёновичлэн ож сюресэз сярысь. Со Ижкарын вордӥськемын. Ожмаськем 22 армиысь 98 стрелковой дивизиын. Лыдъяське вал ивортэк ышемын шуыса. Поисковикъёс шараяны быгатӥзы, Алексей Семёнович партизанъёс пӧлы сюрем, соосын ӵош ожмаськем на шуыса. Ватэмын Белоруссиысь Могилёв улосвылын. Ужкагазъёссэ нунокезлы Станислав Мещеряковлы сётӥзы.
Кун Кенешлэн Тӧроезлэн Владимир Невоструевлэн, аслаз но вань депутатъёслэн нимынызы Елена Дербилова вань люкаськемъёсты матэктӥсь Вормон нуналэн ӟечкылаз. Со тау каремзэ вераз «Долг» огазеяськонлэн ёзчиосызлы улосчиосмес утчамзы, фракциен валче ужамзы понна.