Удмуртиысь Кун Кенеше Саха (Якутия) Элькунлэн Кун Кенешысьтыз калык депутат Мария Христофорова ветлӥз

Кун Кенеше Саха (Якутия) Элькунлэн Кун Кенешысьтыз наукая, дышетонъя, культурая, иворъёсты вӧлмытон ёзъёсъя но мерлыко огазеяськонъёслэн ужъёссыя комитетлэн кивалтӥсезлэн воштӥсез, Саха (Якутия) Элькунлэн «Издательский дом «Ил Тумэн» автономной ужъюртэзлэн кивалтӥсез, «Ил Тумэн» парламент газетлэн валтӥсь редакторез Мария Христофорова вуылӥз.
Калык депутат пумиськылӥз Удмуртиысь Кун Кенешлэн Тӧроеныз Алексей Прасоловен, «Единая Россия» фракцилэн кивалтӥсеныз Елена Дербиловаен, наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсеныз Татьяна Ишматоваен.
Мария Христофорова «Земский журналист» кун программа дасяны кичӧлтонэз сярысь вераз. «Земский доктор» но «Земский учитель» программаос выллем ик, со гуртъёсы вылӥ быгатонлыко ӧнерчиосты кыскыны, муниципал кылдытэтъёсысь иворъёсты вӧлмытон ёзъёслэн редакциосазы журналистъёсты вайыны юрттоз. Депутатлэн малпамезъя, ёрос газетъёс али азьвыл сямен ик калыкен ужын бадӟым инты басьто. Адямиос отысь тодыны быгато интыосысь иворъёсты. Но газетъёсын быгатонлыко ужасьёс уг тырмо.
Мария Христофорова вылӥ дунъет сётӥз Удмуртиын кутэм патриотизм мылкыд пыӵатонъя катлы. Саха Элькунын таиз ар партиотизмлэн Ареныз ялэмын, соин ик отын но таӵе кат юнматыны туж умой луысал, пусйиз депутат. Пумиськонын мукет ужпумъёсъя но вераськон мынӥз.