Эскеремын жуг-жагез поттон ужпумъёс
12.02.2020
Агропром огъетъя, музъем кусыпъёсъя, инкуазез уже кутонъя но утёнъя ялан ужась комиссиысь депутатъёс чурыт кылем-мылемъёсты бичан, поттон но интыян ужпумъёсты сэрттӥзы-пертчизы. Та ужлэн мынэмез сярысь ивортӥз лэсьтӥськонъя, жилищно-коммунальной возёсъя но энергетикая Министерствоысь управленилэн кивалтӥсез Татьяна Сушенцова.
Со пусйиз, жуг-жаген ужанъя улосвыл оператор – «Спецавтохозяйство» огазеяськон - Удмуртиын ар ӵоже ужа ини. Та дыр ӵоже полигонъёсы 321,7 сюрс тонна жуг-жаг поттэмын. Со 130 сюрс тонналы ятыргес азьвыл арын сярысь. Элькунамы 11 857 контейнер площадка лэсьтэмын, 36 сюрс контейнеръёс пуктылэмын. Ар ӵоже чакламтэ интыосы кылдытэм 73 свалка быдтылэмын. Азьланяз арлы быдэ 50 сыӵе интыосты сузяны чакламын.
Ӧнерчилэн верамезъя, 2020 арын жуг-жаг поттонэн вырись огазеяськонъёслэн лыдзы 4-сен 12-озь йылӥз. Кылем-мылемъёсты 5 полигонъёсы вортто.
Улосвыл операторлэн ужезлэн одӥгез валтӥсь ӧрез – жуг-жагез висъяса люкан но сое выльысь уже кутон сӧзнэтэз кылдытон. Али Нылга тракт дурысь полигонын ужа ини жуг-жагез висъян «Чистый город» станция. Отын уже кутыны луонозэ жуг-жагез быръё но переработкае келяло. Кылем ар ӵоже станция пыр 40 сюрс тонна кылем-мылемъёс потӥзы. Вань жуг-жаглэн со 13 процентэз. Туэ станциез выльдыны чаклало, озьы со пыр ар ӵоже 70 сюрс тоннаозь жуг-жаг потыны быгатоз. Вуоно арын нырысьсэ Удмуртиын жуг-жагез музъемлэсь удалтонлыксэ будэтӥсь кыедлы пӧрмытыны кутскозы. Со понна станциын «Грохот» сепаратор пуктэмын ини. Жуг-жаг пӧлысь сиён-юонэз со нимысьтыз контейнеръёсы люкалоз. Сисьтыса, кыедэз му вылэ потталозы.
2019 арын Ижкарын но Дэри ёросын кылем-мылемъёсты висъяса люкан понна 326 контейнер пуктэмын вал. Соослэн интыоссы Улосвыл операторлэн сайтысьтыз картае пусйылэмын. Ар ӵоже Ижын но мукет каръёсын эшшо 500 сыӵе контейнеръёс юнматъямын луыны кулэ. Ижкарын озьы ик вторсырьёез люкан 2 пресс-компактор пуктэмын. Котькудӥз со 1600 огшоры контейнеръёсты воштыны быгатэ. Чакламъя, 2020-тӥ арын Удмуртиын 110 сюрс тонна жуг-жаг бырйиськоз но выльысь уже кутӥськыны кутскоз. Туэ та амалъя ужась станция ужаны кутскиз ини Ува ёросын, усьтӥськыны кулэ Якшур-Бодья ёросын, Глазовын но Камбаркаын.
Экологияя югдурез тупатонлэн валтӥсь ёзэтэз – адямиослэсь тодон-валанзэс будэтон. Кылем арлэн пумаз Ижкарысь нылпи садъёсын но школаосын экообразования ӵектос быдэсъяськыны кутскиз. 2020 арын сое быдэс шаере вӧлмытыны чакламын.
Депутатъёс пусйизы, ар ӵоже бадӟым уж лэсьтэмын. Но шуг-секытъёс кылемын на. Соос пӧлын – эмъяськонниосысь но промышленной предприятиосысь куд-ог кылем-мылемъёсты интыян. Агропром огъетъя ялан ужась комиссилэн кивалтӥсез Владимир Варламов жуг-жагез быръён но сое выльысь кутон ужез ӝоггес азинтыны куриз. Аслаз Посланияз сыӵе ужпум пуктӥз Россилэн Азьмуртэз но, тодэ вайытӥз со.
Со пусйиз, жуг-жаген ужанъя улосвыл оператор – «Спецавтохозяйство» огазеяськон - Удмуртиын ар ӵоже ужа ини. Та дыр ӵоже полигонъёсы 321,7 сюрс тонна жуг-жаг поттэмын. Со 130 сюрс тонналы ятыргес азьвыл арын сярысь. Элькунамы 11 857 контейнер площадка лэсьтэмын, 36 сюрс контейнеръёс пуктылэмын. Ар ӵоже чакламтэ интыосы кылдытэм 73 свалка быдтылэмын. Азьланяз арлы быдэ 50 сыӵе интыосты сузяны чакламын.
Ӧнерчилэн верамезъя, 2020 арын жуг-жаг поттонэн вырись огазеяськонъёслэн лыдзы 4-сен 12-озь йылӥз. Кылем-мылемъёсты 5 полигонъёсы вортто.
Улосвыл операторлэн ужезлэн одӥгез валтӥсь ӧрез – жуг-жагез висъяса люкан но сое выльысь уже кутон сӧзнэтэз кылдытон. Али Нылга тракт дурысь полигонын ужа ини жуг-жагез висъян «Чистый город» станция. Отын уже кутыны луонозэ жуг-жагез быръё но переработкае келяло. Кылем ар ӵоже станция пыр 40 сюрс тонна кылем-мылемъёс потӥзы. Вань жуг-жаглэн со 13 процентэз. Туэ станциез выльдыны чаклало, озьы со пыр ар ӵоже 70 сюрс тоннаозь жуг-жаг потыны быгатоз. Вуоно арын нырысьсэ Удмуртиын жуг-жагез музъемлэсь удалтонлыксэ будэтӥсь кыедлы пӧрмытыны кутскозы. Со понна станциын «Грохот» сепаратор пуктэмын ини. Жуг-жаг пӧлысь сиён-юонэз со нимысьтыз контейнеръёсы люкалоз. Сисьтыса, кыедэз му вылэ потталозы.
2019 арын Ижкарын но Дэри ёросын кылем-мылемъёсты висъяса люкан понна 326 контейнер пуктэмын вал. Соослэн интыоссы Улосвыл операторлэн сайтысьтыз картае пусйылэмын. Ар ӵоже Ижын но мукет каръёсын эшшо 500 сыӵе контейнеръёс юнматъямын луыны кулэ. Ижкарын озьы ик вторсырьёез люкан 2 пресс-компактор пуктэмын. Котькудӥз со 1600 огшоры контейнеръёсты воштыны быгатэ. Чакламъя, 2020-тӥ арын Удмуртиын 110 сюрс тонна жуг-жаг бырйиськоз но выльысь уже кутӥськыны кутскоз. Туэ та амалъя ужась станция ужаны кутскиз ини Ува ёросын, усьтӥськыны кулэ Якшур-Бодья ёросын, Глазовын но Камбаркаын.
Экологияя югдурез тупатонлэн валтӥсь ёзэтэз – адямиослэсь тодон-валанзэс будэтон. Кылем арлэн пумаз Ижкарысь нылпи садъёсын но школаосын экообразования ӵектос быдэсъяськыны кутскиз. 2020 арын сое быдэс шаере вӧлмытыны чакламын.
Депутатъёс пусйизы, ар ӵоже бадӟым уж лэсьтэмын. Но шуг-секытъёс кылемын на. Соос пӧлын – эмъяськонниосысь но промышленной предприятиосысь куд-ог кылем-мылемъёсты интыян. Агропром огъетъя ялан ужась комиссилэн кивалтӥсез Владимир Варламов жуг-жагез быръён но сое выльысь кутон ужез ӝоггес азинтыны куриз. Аслаз Посланияз сыӵе ужпум пуктӥз Россилэн Азьмуртэз но, тодэ вайытӥз со.