Кун Кенешлэн Тӧроез элькунысь ивор вӧлмытӥсь ёзъёсын ужасьёсын пумиськон ортчытӥз
28.12.2019
Выль ар азьын Кун Кенешлэн Тӧроез Алексей Прасолов ивор вӧлмытӥсь ёзъёсын ужасьёсын пумиськон ортчытӥз. Со парламентлэн 2019-тӥ арын ужамезлы йылпумъянъёс лэсьтӥз, кат кылдытъян ужын вуоно арлы чакланъёс сярысь вераз.
Алексей Прасоловлэн верамезъя, 2019-тӥ арын Кун Кенеш 85 элькун кат юнматӥз, 23-ез соос пӧлысь – чылкак вылесь.
Кивалтӥсь 20-тӥ сессиын кутэм куд-ог катъёс пумысен мылкыдзэ вераз. Соос пӧлын - тамак пӧлы пырисьтэм никотино суретъёсты быдэ вуымтэослы вузанэз алон сярысь кат. Таӵе суретъёс быдэ вуымтэослэн тазалыксы понна туж бадӟым кышкытлык кылдыто, кулонэ вуттыны быгато. Кат сыӵе учыръёсты алыны юрттоз, оскемзэ вераз парламентлэн Тӧроез.
Сессиын эскерем мукетыз ужпум - «Город трудовой доблести» федерал катӵектос. Удмуртиысь депутатъёс со понна дурбасьтӥзы. «Туэ оштолэзе Удмуртиысь Кун Кенеш Росси Кун Думае та выллем кичӧлтонэн вазиськиз вал. Соин ик элькунмы понна та катӵектос нимысьтыз пусйымон», - шуиз Алексей Прасолов. Катэн Быдӟым Атыкай ож вакытэ геройлыко тыршем-ужам каръёслы дано ним сётыны чакламын. Ижкар сое нырысьёсыз пӧлын басьтыны быгатэ. 1941-тӥ–1945-тӥ аръёсы Удмуртилэн шоркарысьтыз промышленной предприятиос уно ожгар но граждан продукци поттӥзы.
Ар ӵоже кутэм катъёс пӧлысь Алексей Прасолов нимысьтыз пусйиз пиналъёслэсь тазалыксэс утён понна чаклам законъёсты. Со – быдэ вуымтэослы электрон сигаретъёсты но вейпъёсты, энергетик юонъёсты вузанэз алӥсь, нылпиосты но быдэ вуымтэосты кальян но электрон сигаретъёсты кыскон интыосы пыраны лэзисьтэм катъёс. Со сяна, Удмуртиысь Кун Кенеш Росси Кун Думае кат кутонъя кичӧлтон лэзиз. Со быдэ вуымтэослэн тамак кыскемзы, кудӟытӥсь но йырсазез шузимытӥсь суретъёсты юэмзы понна анай-атайёсты кылкутон улэ кысконэз чакла. Росси парламентэ озьы ик лэземын улон коркаосысь юон интыослэсь ужзэс радъянъя ужоскетъётсты улосъёслы берыктыны курыса вазиськон.
«Тазалыкез утьыны юрттӥсь каткылдытъян уж вуоно арын но азьланьтӥськоз», - шуиз Алексей Прасолов. Со сяна, бадӟым саклык висъяськоз Быдӟым Атыкай ожын Вормонлэн 75, Удмуртилэн кунлык басьтэмез дырысен 100 ар тырмонъёсты но элькунысь каткылдытъясь вылӥ ёзлэн 25 ар тырмонэзлы пусъёнлы.
Алексей Прасоловлэн верамезъя, 2019-тӥ арын Кун Кенеш 85 элькун кат юнматӥз, 23-ез соос пӧлысь – чылкак вылесь.
Кивалтӥсь 20-тӥ сессиын кутэм куд-ог катъёс пумысен мылкыдзэ вераз. Соос пӧлын - тамак пӧлы пырисьтэм никотино суретъёсты быдэ вуымтэослы вузанэз алон сярысь кат. Таӵе суретъёс быдэ вуымтэослэн тазалыксы понна туж бадӟым кышкытлык кылдыто, кулонэ вуттыны быгато. Кат сыӵе учыръёсты алыны юрттоз, оскемзэ вераз парламентлэн Тӧроез.
Сессиын эскерем мукетыз ужпум - «Город трудовой доблести» федерал катӵектос. Удмуртиысь депутатъёс со понна дурбасьтӥзы. «Туэ оштолэзе Удмуртиысь Кун Кенеш Росси Кун Думае та выллем кичӧлтонэн вазиськиз вал. Соин ик элькунмы понна та катӵектос нимысьтыз пусйымон», - шуиз Алексей Прасолов. Катэн Быдӟым Атыкай ож вакытэ геройлыко тыршем-ужам каръёслы дано ним сётыны чакламын. Ижкар сое нырысьёсыз пӧлын басьтыны быгатэ. 1941-тӥ–1945-тӥ аръёсы Удмуртилэн шоркарысьтыз промышленной предприятиос уно ожгар но граждан продукци поттӥзы.
Ар ӵоже кутэм катъёс пӧлысь Алексей Прасолов нимысьтыз пусйиз пиналъёслэсь тазалыксэс утён понна чаклам законъёсты. Со – быдэ вуымтэослы электрон сигаретъёсты но вейпъёсты, энергетик юонъёсты вузанэз алӥсь, нылпиосты но быдэ вуымтэосты кальян но электрон сигаретъёсты кыскон интыосы пыраны лэзисьтэм катъёс. Со сяна, Удмуртиысь Кун Кенеш Росси Кун Думае кат кутонъя кичӧлтон лэзиз. Со быдэ вуымтэослэн тамак кыскемзы, кудӟытӥсь но йырсазез шузимытӥсь суретъёсты юэмзы понна анай-атайёсты кылкутон улэ кысконэз чакла. Росси парламентэ озьы ик лэземын улон коркаосысь юон интыослэсь ужзэс радъянъя ужоскетъётсты улосъёслы берыктыны курыса вазиськон.
«Тазалыкез утьыны юрттӥсь каткылдытъян уж вуоно арын но азьланьтӥськоз», - шуиз Алексей Прасолов. Со сяна, бадӟым саклык висъяськоз Быдӟым Атыкай ожын Вормонлэн 75, Удмуртилэн кунлык басьтэмез дырысен 100 ар тырмонъёсты но элькунысь каткылдытъясь вылӥ ёзлэн 25 ар тырмонэзлы пусъёнлы.