Удмуртиын «Калык контроль» федерал ӵектослэн 2019 быдэсъяськемезлы йылпумъянъёс лэсьтӥзы
11.12.2019
Кун Кенешын «Калык контроль» ӵектослы йылпумъянъёс лэсьтонъя кенешон ортчиз. Пумиськонэз нуиз агропром огъетъя, музъем кусыпъёсъя, инкуазез утёнъя но уже кутонъя ялан ужась ӧрилэн кивалтӥсез Владимир Варламов. Кенешонэ пыриськизы элькун министерствоосын но ведомствоосын ужасьёс, «Единая Россия» партилэн улосвыл ёзэзлэн оскем муртъёсыз, мерлыко огазеяськонъёслэн ёзчиоссы.
«Калык контроль» проект калыклы сиён-юон поттон но вузан, тазалыкез утён удысъёслэн ужамзы, вузъёслэн но юрттӥськетъёслэн ӟечлыксы сярысь ивортонъёсты шараян понна чакламын.
Владимир Варламовлэн верамезъя, 2019-тӥ арын бадӟым саклык висъяськиз йӧл но солэсь поттэм сиён-юонлэн кышкыттэмлыко луэмезъя куронъёсты быдэсъянэз чакланлы. Таможенной союзлэн выль регламентэзъя, йӧл продукцилэн будос вӧйёслэсь ватсэтъёсыз вань ке, солэн упаковка вылаз со сярысь рос-прос ивортон гожтэмын, нош ачиз вуз нимысьтыз ӝаӝые интыямын луыны кулэ. Эскеронъёс дыръя та куронъёсты тӥян куд-ог учыръёс шараяськизы. Кылсярысь, будос ватсэтъёс сярысь ивортон укыр векчи гожъямын. Огъя регламент шаерамы быдэсъяське, пусйизы эскерисьёс.
Со сяна, «калык контролёръёс» чакласа возизы цифровой телевещание выжонэз, со понна кулэ луись тӥрлыклы дунъёсты. Нуиськиз пунэмен уксё сётъясь пичи огазеяськонъёслэсь ужамзэс, нылпи сиёнъёслэсь ӟечлыксэс эскерон. Эскерисьёс анай-атайёс пӧлын юалляськон ортчытъязы, школаосын но нылпи садъёсын сиёнэз ческытгес но пайдаёгес каронъя дэмланъёссэс веразы. Чакласа возизы калыкез нуись-ваись транспортлэсь, нылпи площадкаослэсь, пиналъёслэн шутэтскон лагерьёссылэсь кышкыттэмлыко луэмзэс.
Нимысьтыз уж мынӥз трос квартираё юртъёсын интыяськем шутэтскон интыослэсь ужзэс эскеронъя. Тодады вайытом, Удмуртиысь Кун Кенеш Росси Кун Думае кат кутонъя кичӧлтонэн вазиськиз. Удмуртиысь депутатъёс улосъёслы калыкез сюдон интыослэсь ужзэс радъянъя ватсаса ужоскетъёс сётыны куро. Со ӵапак улон коркаосысь таӵе вузкарон но юон интыослэн уженызы герӟаськемын. «Калык контролёръёслы» соосты ворсаны курыса 200-лэсь ятыр курон вуиз.
Эшшо одӥгез лэчыт ужпум – мертаськон тӥрлыкез эскерон. Та ласянь 12 муниципал кылдытэтъёсын 14 рейд ортчытэмын. Алонъёс сётэмын пичи ужбергатон удысысь предприятиослы. Ӵемысь соослэн весъёссы кулэ эскеронъёсты ортчытэмын ӧвӧл, пломбаоссы куронъёслы уг тупало. Куд-ог вузкаронниосын контрольной шуиськись весъёссы ӧвӧл.
Кызьы вераз Партилэн улосвыл исполкомезлэн кивалтӥсезлэн воштӥсез Ольга Вежеева, туэ «Народный контроль» ӵектослэн Удмуртиын ужаны кутскемез дырысен 10 ар тырмиз. Отчы ёросъёсысь но, каръёсысь но адямиос мыло-кыдо пырисько.
Вуоно арын проектлэн ужез азьланьтӥськоз. Эскерисьёс калык понна тужгес лэчыт луись удысъёсы вуылозы.
«Калык контроль» проект калыклы сиён-юон поттон но вузан, тазалыкез утён удысъёслэн ужамзы, вузъёслэн но юрттӥськетъёслэн ӟечлыксы сярысь ивортонъёсты шараян понна чакламын.
Владимир Варламовлэн верамезъя, 2019-тӥ арын бадӟым саклык висъяськиз йӧл но солэсь поттэм сиён-юонлэн кышкыттэмлыко луэмезъя куронъёсты быдэсъянэз чакланлы. Таможенной союзлэн выль регламентэзъя, йӧл продукцилэн будос вӧйёслэсь ватсэтъёсыз вань ке, солэн упаковка вылаз со сярысь рос-прос ивортон гожтэмын, нош ачиз вуз нимысьтыз ӝаӝые интыямын луыны кулэ. Эскеронъёс дыръя та куронъёсты тӥян куд-ог учыръёс шараяськизы. Кылсярысь, будос ватсэтъёс сярысь ивортон укыр векчи гожъямын. Огъя регламент шаерамы быдэсъяське, пусйизы эскерисьёс.
Со сяна, «калык контролёръёс» чакласа возизы цифровой телевещание выжонэз, со понна кулэ луись тӥрлыклы дунъёсты. Нуиськиз пунэмен уксё сётъясь пичи огазеяськонъёслэсь ужамзэс, нылпи сиёнъёслэсь ӟечлыксэс эскерон. Эскерисьёс анай-атайёс пӧлын юалляськон ортчытъязы, школаосын но нылпи садъёсын сиёнэз ческытгес но пайдаёгес каронъя дэмланъёссэс веразы. Чакласа возизы калыкез нуись-ваись транспортлэсь, нылпи площадкаослэсь, пиналъёслэн шутэтскон лагерьёссылэсь кышкыттэмлыко луэмзэс.
Нимысьтыз уж мынӥз трос квартираё юртъёсын интыяськем шутэтскон интыослэсь ужзэс эскеронъя. Тодады вайытом, Удмуртиысь Кун Кенеш Росси Кун Думае кат кутонъя кичӧлтонэн вазиськиз. Удмуртиысь депутатъёс улосъёслы калыкез сюдон интыослэсь ужзэс радъянъя ватсаса ужоскетъёс сётыны куро. Со ӵапак улон коркаосысь таӵе вузкарон но юон интыослэн уженызы герӟаськемын. «Калык контролёръёслы» соосты ворсаны курыса 200-лэсь ятыр курон вуиз.
Эшшо одӥгез лэчыт ужпум – мертаськон тӥрлыкез эскерон. Та ласянь 12 муниципал кылдытэтъёсын 14 рейд ортчытэмын. Алонъёс сётэмын пичи ужбергатон удысысь предприятиослы. Ӵемысь соослэн весъёссы кулэ эскеронъёсты ортчытэмын ӧвӧл, пломбаоссы куронъёслы уг тупало. Куд-ог вузкаронниосын контрольной шуиськись весъёссы ӧвӧл.
Кызьы вераз Партилэн улосвыл исполкомезлэн кивалтӥсезлэн воштӥсез Ольга Вежеева, туэ «Народный контроль» ӵектослэн Удмуртиын ужаны кутскемез дырысен 10 ар тырмиз. Отчы ёросъёсысь но, каръёсысь но адямиос мыло-кыдо пырисько.
Вуоно арын проектлэн ужез азьланьтӥськоз. Эскерисьёс калык понна тужгес лэчыт луись удысъёсы вуылозы.