«Удмурт Элькунлэн 2020 арлы но 2021 но 2022 аръёслы коньдэтэз сярысь» кат быдэсак кутэмын
10.12.2019
Туннэ Кун Кенешлэн 18-тӥ сессияз Удмуртилэн вуоно но 2021 но 2022 аръёслы чаклам коньдэтэз быдэсак юнматэмын. Тодады вайытом, нырысетӥ лыдӟемен катӵектос кутэмын вал сессилэн нырысетӥ кенешоназ, 28 шуркынмонэ.
Кыкетӥ лыдӟонлы бюджетъя комиссие 470 тупатон вуиз. Асьсэлэсь ӵектонъёссэс лэзизы Элькунлэн Тӧроез, ялан ужась комиссиос но депутат фракциос. Соосты эскерон понна, Кун Кенешлэн но Кивалтэтлэн Президиумъёссы огазеям кенешонзэс ортчытӥзы.
404-зэ вуэм ӵектонъёсты депутатъёс кутӥзы, 36-сэ – палэнтӥзы. Тужгес бадӟым воштӥськонъёс герӟаськемын федерал бюджетысь но жилищно-коммунальной возёсэз выльдонъя Фондысь юрттэт вуэмен. Озьы 2020-тӥ арлы табышъёс 7 миллиард 969 миллион манетлы йылӥзы но 78 миллиард манетозь вуизы. Коньдэтлэн уже кутон люкетэз 8 миллиард 493 миллион манетлы будэтэмын. Солэн быдӟалаез 77,6 миллиард манет луиз.
Кыкетӥ лыдӟонлы уноезлы удысъёслы коньдон висъян будӥз. Ог 2 миллиард манетлы ватсамын мерлыко юрттэт сётон удыслы коньдон. Со кутӥськоз сӧсыръёслы реабилитаци ужрадъёслы, куинетӥ пинал вордӥськем понна пособие тырыны, социальной контрактъя юрттэт сётыны но мукет ужрадъёслы.
Миллиард манет ватсаса сётэмын тазалыкез утён удыслы. Ӝыныезлэсь ятырез со мыноз диабетэн, туберкулёзэн но мукет висёнъёсын курадӟисьёслы дунтэк эмъюм сётыны.
666 миллион манет будэтэмын гурт удыслы. Озьы солы юрттэт та арлэн быдӟалаез дорозь вуттэмын.
506,8 миллион манетлы йылэтэмын дышетон удыслы коньдон. Со кутӥськоз егит ӧнерчиослы юрттэт тырыны, учебникъёсты басьтыны. 146 миллион манетэз школаосын дышетскись пиналъёсты дунтэк сюдыны мыноз.
Удмуртилэн 2020-тӥ арлы коньдэтэзлэн инъетэз умой, пусйизы депутатъёс.. Та арлы бюджетэн ӵошатоно ке, солэн нырысь-валысь табышъёсыз 5 миллиард манетлы ӧжытгес вал. 18 миллиард манетэз уксё – федерал юрттэт. Солэн но быдӟалаез будэмын.
Оскон бадӟым, ар ӵоже лыдпусъёс йылозы на шуыса. Соку луонлык кылдоз мукет ужрадъёслы но коньдон висъяны. Нырысетӥосыз пӧлын со – удмурт но мукет йӧскалык кылъёсын книгаос поттон, Быдӟым Атыкай оже пыриськемъёслы синпелетъёсты тупатъян, жуг-жаг люкан интыосты лэсьтон.
Кыкетӥ лыдӟонлы бюджетъя комиссие 470 тупатон вуиз. Асьсэлэсь ӵектонъёссэс лэзизы Элькунлэн Тӧроез, ялан ужась комиссиос но депутат фракциос. Соосты эскерон понна, Кун Кенешлэн но Кивалтэтлэн Президиумъёссы огазеям кенешонзэс ортчытӥзы.
404-зэ вуэм ӵектонъёсты депутатъёс кутӥзы, 36-сэ – палэнтӥзы. Тужгес бадӟым воштӥськонъёс герӟаськемын федерал бюджетысь но жилищно-коммунальной возёсэз выльдонъя Фондысь юрттэт вуэмен. Озьы 2020-тӥ арлы табышъёс 7 миллиард 969 миллион манетлы йылӥзы но 78 миллиард манетозь вуизы. Коньдэтлэн уже кутон люкетэз 8 миллиард 493 миллион манетлы будэтэмын. Солэн быдӟалаез 77,6 миллиард манет луиз.
Кыкетӥ лыдӟонлы уноезлы удысъёслы коньдон висъян будӥз. Ог 2 миллиард манетлы ватсамын мерлыко юрттэт сётон удыслы коньдон. Со кутӥськоз сӧсыръёслы реабилитаци ужрадъёслы, куинетӥ пинал вордӥськем понна пособие тырыны, социальной контрактъя юрттэт сётыны но мукет ужрадъёслы.
Миллиард манет ватсаса сётэмын тазалыкез утён удыслы. Ӝыныезлэсь ятырез со мыноз диабетэн, туберкулёзэн но мукет висёнъёсын курадӟисьёслы дунтэк эмъюм сётыны.
666 миллион манет будэтэмын гурт удыслы. Озьы солы юрттэт та арлэн быдӟалаез дорозь вуттэмын.
506,8 миллион манетлы йылэтэмын дышетон удыслы коньдон. Со кутӥськоз егит ӧнерчиослы юрттэт тырыны, учебникъёсты басьтыны. 146 миллион манетэз школаосын дышетскись пиналъёсты дунтэк сюдыны мыноз.
Удмуртилэн 2020-тӥ арлы коньдэтэзлэн инъетэз умой, пусйизы депутатъёс.. Та арлы бюджетэн ӵошатоно ке, солэн нырысь-валысь табышъёсыз 5 миллиард манетлы ӧжытгес вал. 18 миллиард манетэз уксё – федерал юрттэт. Солэн но быдӟалаез будэмын.
Оскон бадӟым, ар ӵоже лыдпусъёс йылозы на шуыса. Соку луонлык кылдоз мукет ужрадъёслы но коньдон висъяны. Нырысетӥосыз пӧлын со – удмурт но мукет йӧскалык кылъёсын книгаос поттон, Быдӟым Атыкай оже пыриськемъёслы синпелетъёсты тупатъян, жуг-жаг люкан интыосты лэсьтон.