Кун Кенешын егит ӧнерчиослэн Удмуртиысь кошкеменызы герӟаськем ужпумъёсты эскеризы
30.09.2019
Туннэ Кун Кенешын котрес ӝӧк сьӧрын егит ӧнерчиослэн Удмуртиысь кошкеменызы герӟаськем ужпумъёсты эскеризы. Кенешонэз радъяны кичӧлтон сётӥзы КПРФ фракциысь депутатъёс.
Фракцилэн кивалтӥсез Алексей Конорюков пусйиз, егит ужасьёслэн элькунысь кошкемзы пумен бадӟымгес сюлмаськон кылдытэ: шаере кылись калык пересьме, визьбуръя луонлыкъёс ичияло. Но тужгес но кышкытэз – пичи гуртъёс но каръёс бырыны быгатозы. Соин ик ужпумъёсты огъя сэрттоно-пертчоно: кат кылдытъян ласянь но, быдэсъясь тӧрлык ласянь но, лыдъя депутат. Алексей Конорюковлэн малпамезъя, егитъёслэн бадӟым каръёсы кошкыны мылкыд каремзылэн валтӥсь мугъёсыз пӧлын – ужинты шедьтыны луонлык, быгатонлыкъёсты возьматыны но ужъя будыны оскон, бадӟым каръёслэн ӟеч инфраструктуразы.
Элькунысь мерлыко политикая но ужъя министрлэн Татьяна Чураковалэн верамезъя, Удмуртстатлэн эскеронъёсыз возьмато, берло 4 ар ӵоже элькунысьтымы кошкисьёс пӧлын дышетскыны мынӥсьёс шӧдскымон ӧжытгес луизы. 2015 арын сыӵеос 21 процент ке вал, туэ 9 процент. Со вера, Удмуртиысь дышетсконниослэн данзы будэ шуыса. Дышетонъя но наукая министерствоысь ӧнерчиос пусйизы, али шаерысьтымы вылӥ дышетсконниосын мукет кунъёсысь сюрс пала егитъёс тодон-валан басьто. Арысь аре йылэ бускель улосъёсысь лыктӥсь студентъёслэн лыдзы.
Котрес ӝӧк сьӧры пыриськисьёслэн верам дэмланъёссы пӧлын – ӧнерчиосты целевой амалэн дасян но дышетсконниослэсь уж сётӥсь предприятиосын кусыпъёссэс юнматон. Кун Кенешысь агропром огъетъя комиссилэн кивалтӥсез Владимир Варламов верамъя, туннэ ӧнерчиосын югдур тужгес секыт гурт удысын. «Земский доктор» но «Земский фельдшер» программаос ёросъёсысь эмъяськонниосы ужасьёсты кыскыны шӧдскымон юрттэт сёто ини. Али туж витё «Земский учитель» программалэсь ужаны кутскемзэ. Угось, гурт школаосысь дышетӥсьёслэн шоро-куспо арлыдзы син азьын будэ.
Наукая, дышетонъя, культурая, егитъёсын ужан но йӧскалык политикая но спортъя ялан ужась комиссилэн кивалтӥсез Татьяна Ишматова пусйиз, югдурез огъя учкыны но сэрттыны-пертчыны кулэ шуыса. Со одӥг гинэ кыӵе ке удысэн герӟаськемын ӧвӧл. Татын вераськыны луысал нимысьтыз кун стратегия кылдытон сярысь но. Со сяна, ӧнерчиез дышетсконниын дасяку, вунэтоно ӧвӧл солы патриотизм мылкыд пыӵатон сярысь но, лыдъя депутат.
Резолюцие пыртыны ӵектӥзы предприятиосы ужаны лыктэм егит ӧнерчиослы юрттонъя программаосты паськытатонэз, гуртъёсын капчиятэм ипотекая программаос кылдытонэз, егитъёслэн кичӧлтонъёссылы юрттонъя ужрадъёсты паськытатонэз, ваньмон дырез ортчытонъя инфраструктураез азинтонэз.
Та но мукет ӵектонъёсын ужкагазэз Элькун Кивалтэтэ, Кун Кенеше но интыосысь аскивалтонъя ёзъёсы келяны вераськемын.
Фракцилэн кивалтӥсез Алексей Конорюков пусйиз, егит ужасьёслэн элькунысь кошкемзы пумен бадӟымгес сюлмаськон кылдытэ: шаере кылись калык пересьме, визьбуръя луонлыкъёс ичияло. Но тужгес но кышкытэз – пичи гуртъёс но каръёс бырыны быгатозы. Соин ик ужпумъёсты огъя сэрттоно-пертчоно: кат кылдытъян ласянь но, быдэсъясь тӧрлык ласянь но, лыдъя депутат. Алексей Конорюковлэн малпамезъя, егитъёслэн бадӟым каръёсы кошкыны мылкыд каремзылэн валтӥсь мугъёсыз пӧлын – ужинты шедьтыны луонлык, быгатонлыкъёсты возьматыны но ужъя будыны оскон, бадӟым каръёслэн ӟеч инфраструктуразы.
Элькунысь мерлыко политикая но ужъя министрлэн Татьяна Чураковалэн верамезъя, Удмуртстатлэн эскеронъёсыз возьмато, берло 4 ар ӵоже элькунысьтымы кошкисьёс пӧлын дышетскыны мынӥсьёс шӧдскымон ӧжытгес луизы. 2015 арын сыӵеос 21 процент ке вал, туэ 9 процент. Со вера, Удмуртиысь дышетсконниослэн данзы будэ шуыса. Дышетонъя но наукая министерствоысь ӧнерчиос пусйизы, али шаерысьтымы вылӥ дышетсконниосын мукет кунъёсысь сюрс пала егитъёс тодон-валан басьто. Арысь аре йылэ бускель улосъёсысь лыктӥсь студентъёслэн лыдзы.
Котрес ӝӧк сьӧры пыриськисьёслэн верам дэмланъёссы пӧлын – ӧнерчиосты целевой амалэн дасян но дышетсконниослэсь уж сётӥсь предприятиосын кусыпъёссэс юнматон. Кун Кенешысь агропром огъетъя комиссилэн кивалтӥсез Владимир Варламов верамъя, туннэ ӧнерчиосын югдур тужгес секыт гурт удысын. «Земский доктор» но «Земский фельдшер» программаос ёросъёсысь эмъяськонниосы ужасьёсты кыскыны шӧдскымон юрттэт сёто ини. Али туж витё «Земский учитель» программалэсь ужаны кутскемзэ. Угось, гурт школаосысь дышетӥсьёслэн шоро-куспо арлыдзы син азьын будэ.
Наукая, дышетонъя, культурая, егитъёсын ужан но йӧскалык политикая но спортъя ялан ужась комиссилэн кивалтӥсез Татьяна Ишматова пусйиз, югдурез огъя учкыны но сэрттыны-пертчыны кулэ шуыса. Со одӥг гинэ кыӵе ке удысэн герӟаськемын ӧвӧл. Татын вераськыны луысал нимысьтыз кун стратегия кылдытон сярысь но. Со сяна, ӧнерчиез дышетсконниын дасяку, вунэтоно ӧвӧл солы патриотизм мылкыд пыӵатон сярысь но, лыдъя депутат.
Резолюцие пыртыны ӵектӥзы предприятиосы ужаны лыктэм егит ӧнерчиослы юрттонъя программаосты паськытатонэз, гуртъёсын капчиятэм ипотекая программаос кылдытонэз, егитъёслэн кичӧлтонъёссылы юрттонъя ужрадъёсты паськытатонэз, ваньмон дырез ортчытонъя инфраструктураез азинтонэз.
Та но мукет ӵектонъёсын ужкагазэз Элькун Кивалтэтэ, Кун Кенеше но интыосысь аскивалтонъя ёзъёсы келяны вераськемын.