Удмурт Элькунысь ветеринарияя Валтӥсь управление кылдэмез дырысен 25 ар тырмонзэ пусйиз

Туннэ «Металлург» санаторийын Удмурт Элькунысь ветеринарияя Валтӥсь управленилэн кылдэмез дырысен 25 ар тырмонлы сӥзем сӥё-дано ужрад ортчиз. Кун Кенешлэн но элькун парламентысь депутатъёслэн нимынызы люкаськемъёсты ӟечкылаз агропром огъетъя, музъем кусыпъёсъя но инкуазез утёнъя но уже кутонъя ялан ужась ӧрилэн кивалтӥсез Владимир Варламов.
Ветеринарияя служба шаерамы пайдалыко ужа, пусйиз со. Удысысь ӧнерчиос азязы пуктэм ужпумъёсты быдэсъяло, кылдыны быгатӥсь кышкытлыкъёсты дыраз ало.
Арысь аре ужын выль амалъёс кутӥсько, кылдэ выль тӥрлык. 2018-тӥ арлэн пумаз ёросъёсысь станциосы 11 быртык нимысьтыз техника вуиз.
Ветеринарияя управление тыршемен, берло дас аръёсы Удмурт Элькун пудо висёнъёсты алонъя тужгес усто ужась улосъёс пӧлы пыре.