Вераськизы Россиысь ляб адӟисьёслэн огазеяськонзылэн Удмуртиысь предприятиосызлы кун ласянь юрттэт сётон ужпумъёс сярысь
12.09.2019
Ужъя, мерлыко политикая но ветеранъёслэн ужпумъёссыя ӧрилэн кивалтӥсез Алексей Чернов ляб адӟисьёслэн росси огазеяськонзылэн Удмуртиысь предприятиосызлы юрттэт сётон ужпумъёслы сӥзем кенешон ортчытӥз. Вераськонэ пыриськизы Кун Кенешлэн Тӧроезлэн воштӥсез, тазалыкез утён, семья но демографи политикая ялан ужась ӧрилэн кивалтӥсез Надежда Михайлова, улосвыл министерствоосысь но ведомствоосысь ӧнерчиос, ляб адӟисьёслэн огазеяськонзылэн Удмуртиысь предприятиосызлэн кивалтӥсьёсыз.
Шаерамы ляб адӟисьёслэн огазеяськонзы кема аръёс ӵоже ужа ини. Со огъя росси огазеяськонлэн ёзэсэз луэ. Туэ 1-тӥ гудырикошконлы Удмуртиысь огазеяськонэ 3628 мурт пыре. Элькунамы ляб адӟисьёсты уже интыян понна куинь нимысьтыз предприятие вань. Со - «Глазов. Электрон», «Сарапульское предприятие «Техника» но «Ижевское предприятие «Спутник» огазеяськонъёс. Туннэ отын 329 адями ужа, 173-ез со – сӧсыръёс. Соос пӧлысь 109-эз – ляб адӟисьёс.
Элькунысь промышленностья но вузкаронъя министерство пыр та предприятиослы кун юрттэт чакламын. Со пӧлын – коммунальной тыриськонъёсъя компенсация. Пусъемын вал, 2015-тӥ арысен та орлы коньдон уг ичия. Та арлы юрттэтлэн быдӟалаез - 21 миллион манет. Вуоно арысен сое йылэтыны чакламын.
Ляб адӟисьёслэн Удмуртиысь огазеяськонзылэн тӧроезлэн Александр Козловлэн верамезъя, шаерамы сӧсыръёсын ужанлы бадӟым саклык висъяське. Со ласянь элькунмы мукет улосъёс понна но адӟем карымон луэ.
Кенешонын чузъяськем ӵектонъёс пӧлын – ВОС-лэн предприятиосызлы выт тыронъя капчиятонъёс кылдытон но кун яке муниципал заказ сётон. Со сяна, кун программаосы пыриськыны куронъёсты лябӟытон.
Та но чузъяськем мукет ӵектонъёсты Кун Кенешысь ужъя, мерлыко политикая но ветеранъёслэн ужпумъёссыя ӧрие келяны дэмлазы. Нош сӧсыръёслы уж инты сётӥсь предприятиослы выт тыронъя капчиятонъёс ласянь Кун Думаысь депутатъёсын вераськизы кенешизы.
Шаерамы ляб адӟисьёслэн огазеяськонзы кема аръёс ӵоже ужа ини. Со огъя росси огазеяськонлэн ёзэсэз луэ. Туэ 1-тӥ гудырикошконлы Удмуртиысь огазеяськонэ 3628 мурт пыре. Элькунамы ляб адӟисьёсты уже интыян понна куинь нимысьтыз предприятие вань. Со - «Глазов. Электрон», «Сарапульское предприятие «Техника» но «Ижевское предприятие «Спутник» огазеяськонъёс. Туннэ отын 329 адями ужа, 173-ез со – сӧсыръёс. Соос пӧлысь 109-эз – ляб адӟисьёс.
Элькунысь промышленностья но вузкаронъя министерство пыр та предприятиослы кун юрттэт чакламын. Со пӧлын – коммунальной тыриськонъёсъя компенсация. Пусъемын вал, 2015-тӥ арысен та орлы коньдон уг ичия. Та арлы юрттэтлэн быдӟалаез - 21 миллион манет. Вуоно арысен сое йылэтыны чакламын.
Ляб адӟисьёслэн Удмуртиысь огазеяськонзылэн тӧроезлэн Александр Козловлэн верамезъя, шаерамы сӧсыръёсын ужанлы бадӟым саклык висъяське. Со ласянь элькунмы мукет улосъёс понна но адӟем карымон луэ.
Кенешонын чузъяськем ӵектонъёс пӧлын – ВОС-лэн предприятиосызлы выт тыронъя капчиятонъёс кылдытон но кун яке муниципал заказ сётон. Со сяна, кун программаосы пыриськыны куронъёсты лябӟытон.
Та но чузъяськем мукет ӵектонъёсты Кун Кенешысь ужъя, мерлыко политикая но ветеранъёслэн ужпумъёссыя ӧрие келяны дэмлазы. Нош сӧсыръёслы уж инты сётӥсь предприятиослы выт тыронъя капчиятонъёс ласянь Кун Думаысь депутатъёсын вераськизы кенешизы.