Гуртоос юрттэт возьмало

Кун Кенешлэн Тӧроезлэн нырысетӥ воштӥсез Владимир Невоструев Глазов ёросысь «Октябрьский» гурт возёслэн бусыосаз вуылӥз. Со – ёросысь одӥг гинэ гурт предприятие, кытын 28-тӥ гудырикошконэ ю-нянез утялтон ужъёс дугдытэмын ой вал.
Та дыре гуртоос бадӟым шуг-секытъёсты вормоно луо. Комбайнъёс но тракторъёс бусыосы ӝыны метре выё. Оскон ӧвол, куазь матысь дыре тупатскоз шуыса. Ялан зоре. Югдур валамон: гурт возёсъёслы юрттэт кулэ.
«Ю-нянь удалтэмын. Но сое бичаны шуг: трос интыосын будосъёс выдэмын ини, тысь шепъёсаз ик будыны кутскемын. Но та – асьмелэн ужам ужмы, соин ик со понна нюръяськыны кулэ», - шуэ Глаз ёрослэн тӧроез Вячеслав Сабреков.
Владимир Невоструев озьы ик «Ураково» муниципал кылдытэтын улӥсьёсын пумиськылӥз. Адямиос депутат доры пӧртэм куронъёсын вазиськизы. Соос пӧлын – тазалыкез утёнэн, улон инты басьтонэн, музъем кусыпъёсын герӟаськем юанъёс. Вань куронъёс уже басьтэмын.